تامر أمين عن أصحاب ولا أعز": عيب وحرام
واصل الإعلامي تامر أمين هجومه على فيلم “أصحاب ولا أعز”، الذي طرح عبر منصة نتفليكس قبل أيام، ولاقى انتقادات واسعة من الجمهور، بسبب تناوله للخيانة الزوجية والمثلية الجنسية.
أوضح أمين خلال برنامجه “آخر النهار” الذي يقدمه عبر قناة “النهار”، أن “أصحاب ولا أعز” ليس مجرد فيلم، بل ثقافة يُراد إجبارنا عليها قسرا، قائلا: “ده ثقافة عاوزينها تطبع علينا بالعافية، رسالة مطلوب إنها توصل، وبالون اختبار بدليل بعد شوية هتلاقوا حاجات شبهه بس دوشتها هتبقى أقل، لحد ما يبقى واقع ومقبول، ووقتها قولوا على مجتمعاتنا وأخلاقنا وشبابنا السلام.. الفيلم ده لازم يتشاف ونقوله لأ ده غلط وحرام وعيب وميصحش، لازم نشوف الوحش ونرفضه”.
نرشح لك: لأول مرة.. نتفليكس ترد على أزمة فيلم “أصحاب ولا أعز”
تابع: “الفيلم ده إيه عبقريته عشان يتعمل منه 18 نسخة مختلفة، إيه عبقريته إن كل دولة تعمل نسخة، ده تيتانيك متعملش منه كل النسخ دي.. تكوتنش دي العولمة؟! إنه سقط الحدود والحواجز والتقاليد والعراف والأديان وكله يعيش كله.. الموضوع مش فيلم ويعدي.. ده مقصود ومتعمد.. لذلك أنا ضد الفيلم وضد رسائل الفيلم”.
