أحمد صيام يكشف رفضه دخول ابنته مجال الفن
كشفت الفنان أحمد صيام، عن السبب الذي دفعه لرفض دخول ابنته بسنت، مجال الفن.
قال “صيام” خلال لقائه في برنامج “نص الكلام“، الذي تقدمه الإعلامية راغدة شلهوب، عبر شاشة النهار، إن السبب هو خوف الأب، موضحا: ” دايما الأب بيبقى خايف على ولاده حتى بعد ما يكبروا، أنا شخصيا عانيت عشان أحط رجلي في الشغلانة أو عشان يبقالي مكان، فمكنتش حابب إنها تعاني نفس المعاناة”.
نرشح لك: مُحاكمة نقدية لشخصيات فيلم “أصحاب ولا أعز”!
تابع: ” اعتادنا في الشغلانة دي إن اللي مبيقدرش عليكي بيخلص من حد يهمك أو يخصك زي مراتك، ابنك، بنتك، صديقك، صديقتك كده، وأنا طول عمري الحمد لله محدش لوى إيدي ولا قدر يوجعني ، فكنت حريص إن محدش يخلص منها”.
فيما كشف عن الطريقة التي تعامل بها معها بعدما أصرت على دخول التمثيل، حيث قال: “لما كبرت واتخرجت من الجامعة أصبح عندها شخصية وتقدر تحمي نفسها، قولتها خشي كأنك متعرفنيش.. أنا أب وانتي بنتي وبحبك لدرجة الجنون بس متنتظريش إني أدعمك، ومش هقدر أقول وجهة نظر فيكي لأن شهادتي طول الوقت هتبقى مجروحة، ولو قيمتك هقييمك بقسوة أو بحب الأب، والاتنين غلط”.
