أحمد صيام: فيه ناس دخلوا المهنة من أبواب خلفية
أكد الفنان أحمد صيام، على أن الفن في حد ذاته ليس سيئا كما يدعي البعض، إنما هناك بعض السلوكيات التي أساءت له.
أوضح “صيام” خلال لقائه في برنامج “نص الكلام“، الذي تقدمه الإعلامية راغدة شلهوب، عبر شاشة النهار”: “الفن في حد ذاته مش وحش، الوحش قد يكون بعض السلوكيات، من الناس اللي بتشغل في الفن او الناس اللي حوالين الناس اللي بتشتغل في الفن”.
نرشح لك: أحمد صيام يكشف رفضه دخول ابنته مجال الفن
تابع: “وفيه ناس دخلوا المهنة من أبواب خلفية، ولهم سلوكيات مش لطيفة والإغواء والضغوط على الممثلات بالتحديد بتبقى قاسية أوي واللي بيقدر يثبت نفسه بيبقى شجاع، والحمد لله عندنا فنانات فاضلات قدروا يثبتوا نفسهم ولم يتنازلوا لحظة”.
أضاف: “الموهوب مش هتلاقي عنده تنازلات، لأنه عنده يقين في موهبته، إنما اللي داخل عايز يهزر ويتشهر أه بيتنازل، مش هننكر ونحط دماغنا في الرمل زي النعام، فيه ناس دخلت الفن من الأبواب الخلفية وبقوا موجودين على الساحة رضينا أم لم نرضى”.
