رأي أحمد رزق في تشبيهه بـ علاء ولي الدين
تحدث الفنان أحمد رزق عن رأيه في تشبيهه بالفنان الراحل علاء ولي الدين، خاصة مع بدايات دخول الأول المجال الفني.
قال “رزق” للفنان أحمد فهمي خلال برنامج أحلى كلام عبر قناة الحياة، إن هذا التشبيه لم يضايقه ولكن بالعكس: “لأن أنا كنت بحب علاء الله يرحمه حب قوي وكانت علاقتي بيه في بداياتي علاقة أسرية.. كنت أعرف مامته وأخوه خالد الله يرحمهم وأخوه معتز ربنا يطول في عمره”.
أردف: “كانت علاقة مش هينفع يبقى فيها غيرة خاصة وهو كان النجم في الفترة دي وانا اللي لسه طالع جديد.. بل بالعكس أنا فاكر إن أول واحد كلمني بعد عرض فيلم مافيا كان علاء ولي الدين.. فاستحالة أغير من التشبيه ده لأن أنا اللي جاي عليه مش هو”.
نرشح لك: يسرا: سعيدة بظهوري ضيف شرف في “البحث عن علا”
من جهة أخرى، تحدث أحمد رزق عن وجهة نظره تجاه النقد الذي يوجه إليه خاصة النقد القاسي، إذ قال: “زمان كنت بزعل من أي نقد بيضايقني، كنت بكتئب وبتضايق؛ لو نقد في حدود الملاحظات أو الكلام العادي مكنش بالنسبة لي مشكلة لكن النقد القاسي كان بيعملي مشكلة، بعد كده الموضوع خلاص.. مبقاش بيحصلي الإحباط اللي كان بيحصل الأول”.