أبو جبل يكشف ما حدث في غرفة ملابس المنتخب بعد مباراة السنغال
محمد هيثم
كشف اللاعب محمد أبو جبل، حارس المنتخب الوطني، عن كواليس ما حدث في غرفة تغيير الملابس الخاصة بالمنتخب الوطني، بعد الهزيمة في نهائي بطولة أمم أفريقيا على يد المنتخب السنغالي.
قال “أبو جبل” خلال حلوله ضيفا في برنامج “الحكاية” المذاع على شاشة “MBC مصر” ويقدمه الإعلامي عمرو أديب مساء أمس الأثنين، إن الهدوء والصمت كان سيد الموقف في غرفة تغيير الملابس، موضحًا أنه قال للاعبين أن عليهم تذكر مشهد الحزن، ومشهد الفرحة، ويجب عليهم الثقة في أنفسهم حتى لا يتكرر ذلك المشهد المحزن.
نرشح لك: أبو جبل: إرهاب حكم الكاميرون بدأ من غرفة الملابس وهددنا بالخسارة
أوضح: “نفتكر المشهد اللي إحنا فيه دلوقتي ونفتكر لما نكون فرحانين، لو عايزين تعيشوا نفس المشهد في شهر 3 الجاي قولولنا من دلوقتي، لكن لو ناويين نغير المشهد اللي إحنا فيه وصورنا وإحنا بنعيط، يبقى لازم نكمل على اللي إحنا بنيناه في البطولة دي، ولازم يبقى عندنا ثقة في بعض أكتر من كده”.
أردف: “قولت لهم أنا راجل صعيدي وقسما بالله عمري ما هسيب حقي، وحتى في المؤتمر الصحفي قولت زي ما هما احتفلوا هنا هنحتفل عليهم في بلدهم في السنغال”.
جدير بالذكر أن المنتخب المصري خسر لقب كأس الأمم الأفريقية، مساء يوم السبت بعد فوز منتخب السنغال بركلات الترجيح، وتصدى الحارس محمد أبو جبل لركلة جزاء، وأهدر اللاعب محمد عبد المنعم ركلة، واللاعب مهند لاشين.