حمو بيكا: ناس مسجلة خطر خدت الكارنية والنقابة ظلمتني 5 سنين
محمد هيثم
قال مطرب المهرجانات حمو بيكا، إن حياته تدمرت بسبب نقابة المهن الموسيقية، مشيرا إلى أن النقابة ظلمته خمس سنوات، فهو غير قادر على ممارسة عمله بسبب وقف النقابة له.
أوضح “بيكا” خلال بث مباشر عبر حسابه الرسمي على موقع التواصل الاجتماعي “فيس بوك”، أنه عمل في كثير من المهن موضحًا: “اشتغلت على توك توك، واشتغلت نجار، سافرت واتغربت وشقيت وتعبت، بس عمري ما مديت أيدي على حاجة مش بتاعتي”.
نرشح لك: بعد تصريحاتها ضده.. حمو بيكا لـ شمس: “إنتي على دماغي من فوق”
أضاف: “أكل عيشي واقف وحياتي مدمرة من النقابة، ظلمتني خمس سنين، قالوا على ناس مزورين ورق وضاربين ورق، وقالوا على ناس مسجلين، والناس دي خدت الكارنيه واشتغلت، يبقى الوقف مش حكم بعدل ربنا.. وربنا لما بيدي الرزق للبشر محدش يعرف يوقفه”.
أشار: “فرقتي أنا مقصرتش مع أي حد في شيء، الناس دي وقفت معاها ووقفت جمبها وهما بيطلعوا يقولوا بيكا بينسب النجاح لنفسه، وأنا عمري ما نسبت نجاح لنفسي.. أنا مبعرفش اقرأ ولا أكتب ولا أعرف أرد على الناس، الناس حبت حمو بيكا عشان حمو قلبه أبيض”.