كلمات أغنية "رامي الحمول" لـ بهاء سلطان
محمد هيثم بهاء سلطان
طرحت شركة “فري ميوزك”، أغنية جديدة للفنان بهاء سلطان، عبر قناتها الرسمية على موقع “يوتيوب”، تحت مسمى “رامي الحمول”، ضمن أغاني ألبوم “سيجارة”.
الأغنية من ألحان محمد راجح، وكلمات محمد الخضراوي، وتوزيع موسيقي ياسر ماجد، وإنتاج نصر محروس.
نرشح لك: كلمات أغنية “مالك” لـ بهاء سلطان
وجاءت كلمات الأغنية كالآتي:
مستني أيه بعد اللي شوفته قصاد عينيا
طب كنت سيبني في حالي ليه قربت ليا
بعد ما قولت هعيش حياتي معاك خلاص
أنا مش هسيب الناس تقول حمال آسية
مش هفضل أتفرج عليك والجرح فيا
أنا اللي شوفته معاك كتير ومش شوية
مش فارقة عندي أي حاجة حلمت بيها
خيرها في غيرها وربنا يعوض عليا
رامي الحمول على ناس تانية
شوفت عينيا كام ليلة بكيت
وأنت ولا داري بحالي
ولاقيتك غير ما اتمنيت
ماجاش في بالي الغدر يبقى من أيديك
ومكانش لازم أفضل أتعود عليك
عمرك ما خوفت عليا زي ما خوفت أنا
آسف عشان ربطت نفسي في مرة بيك
عجيبة دي الدنيا اللي فيها ناس تخون
مالكش غالي وكل شئ عندك يهون
معقولة ماعرفتش حقيقتك من عينيك
أنت اللي زيك عمره ما بيعرف يصون
كانت قد طرحت شركة “فري ميوزيك” قبل أسبوعين، أحدث أغاني الفنان بهاء سلطان، بعنوان “مين اتعلم ببلاش”، من ألبوم “سيجارة”، عبر قناتها الرسمية على يوتيوب.
من كلمات نصر محروس، وألحان محمد يحي، وتوزيع أمير محروس.