ياسمين صبري تتحدث عن العلاقات العاطفية السامة
كشفت الفنانة ياسمين صبري عن رأيها في العلاقات العاطفية السامة المنتشرة مؤخرا، أو ما يعرف بـ”العلاقات التوكسيك”، مؤكدة أن الإنسان حر في اختياره، ولا يجب أن يربط مستقبله بأشخاص تضره.
أضافت ياسمين في تصريحات عبر Twitter Spaces مع الكاتب تامر عبده أمين، أن الإنسان يعلم من البداية حقيقة الشخص الذي يرتبط به، قائلة: “الواحدة بتبقى عارفه وحاسة إنه دي مش الحقيقة 100%، وبنبقى شايفين في اللي قدامنا إذا كان فيه خير أو حاجة مش مظبوطة وإحنا اللي بنقرر نمشي الطريق.. الدنيا عادلة وإحنا أحرار بشكل مخيف لدرجة إنها مسؤولية كبيرة على نفسنا.. كل يوم بتختار اختيار هتكوّن بيه مصيرك بتاع بكرا، لو أنا مختارة أكمل مع الشخصية دي وأنا عارفه غنها سامة خلاص ده اختياري”.
نرشح لك: ياسمين صبري تدافع عن حق المرأة في العمل
وبسؤالها عن إمكانية التخلص من آلام وصدمات الماضي، أجابت ياسمين صبري بأنه يمكن فعل ذلك، قائلة: “نقدر.. ولكن وأنت بتعمل ده هتتخلص من أشخاص كمان معاه، لازم تبقى مستعد إنك فعلا هتغير حياتك.. طريق صعب لأنك هتتخلى عن حاجات مع تنضيف الصدمات دي، الخير في الموضوع ده إنك بتفتح الأبواب لناس وحاجات وخير جديد جاي، الواحد كل ما بينوي يبقى أحسن ويتطور الكون بيقوله وأنا معاك.. والعكس صحيح”.
أما عن نصيحتها لاختيار شريك الحياة، قالت: “دايما دوّر على الأحسن منك، متدورش على حد أنت تفضل تطوره، بالرغم من إن الناس عاوزه دايما تبقى هي الطرف الأحسن في العلاقة، لكن الصح إنك تدور على الأحسن منك عشان هيخليك أحسن ويطورك ويعلمك”.
وفيما يتعلق بأصدقاء كل مرحلة، أوضحت: “الدنيا كده.. كل مرحلة بيبقى ليها أصدقاء معينين، ودي مش ندالة ولا أنانية بجد ده حقيقي، في صديق كان عارفك وأنت لسه بتدرس فهو حابك كده وأنت طالب بس مش حابب يشوفك مشهور، فهتلاقي صديقك ده بعد فترة بيسبب لك قلق فهتضطر تتخلص منه وهكذا.. اللي قدامك هيبقى مش مستعد للنقلات في حياتك وهو واقف مكانه”.
