حمو بيكا يعلن اتخاذه إجراءات قانونية ضد "الموسيقيين"

أعلن مطرب المهرجانات حمو بيكا، اتخاذه إجراءت قانونية ضد نقابة الموسيقيين، وذلك بعد تكرار رسوبه في امتحانات النقابة.

قال “بيكا” خلال لقائه في برنامج “كلام الناس” الذي تقدمه الإعلامية ياسمين عز، عبر شاشة mbc مصر، إنه رفع قضيه ضد النقابة، حيث علق: “احنا بلدنا دي دولة قانون.. رفعت قضية على النقابة كلها ومش قضية صغيرة كمان لأ قضية كبيرة، ولو مش هكسب القضية دي يبقى أنا وصلت صوتي.. أنا اتظلمت،
والمرة الجاية هقول أسامي كل الناس اللي اتظلمت منها واللي هي لحد الآن بتظلمني

نرشح لك: شاهد.. حمو بيكا باكيا: محدش حاسس باللي أنا فيه

 

حمو بيكا

يشار إلى أن حمو بيكا، كان قد صرح في وقت سابق، بأن حياته تدمرت بسبب نقابة المهن الموسيقية، مشيرا إلى أن النقابة ظلمته خمس سنوات، فهو غير قادر على ممارسة عمله بسبب وقف النقابة له.

أوضح “بيكا” خلال بث مباشر عبر حسابه الرسمي على موقع التواصل الاجتماعي “فيس بوك”، أنه عمل في كثير من المهن موضحًا: “اشتغلت على توك توك، واشتغلت نجار، سافرت واتغربت وشقيت وتعبت، بس عمري ما مديت أيدي على حاجة مش بتاعتي، أكل عيشي واقف وحياتي مدمرة من النقابة، ظلمتني خمس سنين، قالوا على ناس مزورين ورق وضاربين ورق، وقالوا على ناس مسجلين، والناس دي خدت الكارنيه واشتغلت، يبقى الوقف مش حكم بعدل ربنا.. وربنا لما بيدي الرزق للبشر محدش يعرف يوقفه، فرقتي أنا مقصرتش مع أي حد في شيء، الناس دي وقفت معاها ووقفت جمبها وهما بيطلعوا يقولوا بيكا بينسب النجاح لنفسه، وأنا عمري ما نسبت نجاح لنفسي.. أنا مبعرفش اقرأ ولا أكتب ولا أعرف أرد على الناس، الناس حبت حمو بيكا عشان حمو قلبه أبيض”.

إعلام دوت كوم من العرض الخاص لفيلم تماسيح النيل

MBC مصر حمو بيكا كلام الناس نقابة الموسيقيين نيوز ليتر ياسمين عز