بعد تعافيها من كورونا.. بسمة وهبة: حاسة إني عجزت
سالي فراج
بسمة وهبة
قالت الإعلامية بسمة وهبة، إنها تشعر بالتعب الشديد من أقل مجهود تبذله وذلك منذ إصابتها بڤيروس كورونا، وتساءلت عما إذ كان من أصيبوا بڤيروس كورونا يشعرون مثلها أم لا.
عبرت “وهبة” خلال ڤيديو نشرته عبر حسابها الشخصي على موقع “إنستجرام” قائلة: “يا جماعة هي الكورونا عملت فينا إيه؟، أنا من ساعة ما الكورونا جاتلي وأنا حاسة إن أنا عجزت، أي مجهود بعمله بجد بتعب جدا، إنتوا بتحسوا كدا إنتوا كمان؟!، الناس اللي جالها الكورونا، أنا لو قمت مثلا جبت حاجة من الأرض أو عملت أي مجهود بنهج جامد جدا، بجد، إنتم كدا زيي ولا أنا لوحدي ولا إيه؟، مش عارفة، الله يخربيت الكورونا على سنين الكورونا، أنا بجد يا جماعة مبقتش طبيعية، مبقتش مظبطة خالص، ردوا عليا بقى قولولي إنتوا بتحسوا كدا زيي، كأنه من أقل مجهود تعبانة، وطول الوقت حاسة إني مجهدة إيه بقى؟، ولا عجزت عادي مش هزعل”.
بسمة وهبة
View this post on Instagram
من ناحية أخرى، كانت الإعلامية بسمة وهبة، قد أعلنت في وقت سابق اعتزالها العمل الإعلامي خلال الفترة المقبلة، موضحة أنها ترتب أمورها حاليا لاتخاذ هذه الخطوة لاحقا، حيث قالت: “أنا تعبت وعايزة اقعد جنب حبايبي، بابا وماما وحشوني، هعتزل قريب إن شاء الله بس أرتب أوراقي وأستف نفسي الأول”.