عمرو أديب يطالب بزيادة إجازة الأبوة لـ 3 أيام
علق الإعلامي عمرو أديب، على موافقة مجلس الشيوخ خلال الجلسة العامة برئاسة المستشار بهاء أبو شقة الوكيل الأول للمجلس، على منح إجازة أبوة للعامل عندما يرزق بطفل مدتها يوم واحد.
وقال أديب خلال برنامجه “الحكاية” المذاع على شاشة “mbc مصر”، مساء أمس الأحد: “خلوها تلات أيام يا جماعة عشان الزوج يتابع مراته ويشوف طلباتها، ولنفترض يوم الإجازة مراته موضعتش يبقى سيبها ويرجع شغله تاني”.
نرشح لك: المتحدث باسم المترو: نحرر 1000 محضر يوميا لمخالفة الإجراءات الاحترازية
أضاف: مش بيحلى لـ الستات تولد غير في الفجر متفهمش ايه الحكاية، بس لازم الزوج يريح ينام يعرف يتصل مع أمه وأبوه يقفوا معاه، فيه حاجة عايزة تتدفع”.
وتابع مقدم برنامج “الحكاية”: الأب له دور جنب مراته وعنده مشاعر في أزواج كتير بتكون قلقانة، ونفسه يفرح بالطفل ويشتري حاجات ويساعد مراته ويستقبل الناس اللي بتيجي تبارك له على المولود.
وأكمل: “أغلب الناس في مصر عايشة في أوضتين وصالة الراجل مراته وضعت اديلة إجازة ياخد نفسه، متابعًا: “يا ريت لما القانون ينتقل لمجلس النواب يخلوا الإجازة 3 أيام مش يوم واحد، ده لو رايح يشتري حاجة من مصر الجديدة هيخلص اليوم”.