بسمة وهبة: مرض حمو بيكا حقيقي مش تمثيل
محمد هيثم
أكدت الإعلامية بسمة وهبة مرض مطرب المهرجانات حمو بيكا، موضحة أنها سألت المطرب حسن شاكوش عن ذلك الموضوع وأكد لها أنه حقيقي.
نشرت “وهبة” فيديو عبر حسابها على موقع تبادل الصور والفيديوهات “إنستجرام” معلقة: “على فكرة يا جماعة موضوع حمو بيكا ده حقيقي، ولما كان بينه خلاف هو وحسن شاكوش سألت حسن هل موضوع الحقنة ده حقيقي قالي فعلا موضوع الحقنة ده حقيقي قبل ما حمو بيكا يتكلم في الموضوع”.
نرشح لك: حمو بيكا لـ المتنمرين على مرضه: “من عاب شيئًا ابتلى به”
أضافت: “حمو بيكا مش بيدعي وحقيقي هو تعبان وبياخد حقنة غالية، ربنا يكرمك يا بيكا”.
View this post on Instagram
يشار إلى أن حمو بيكا، كان قد صرح في وقت سابق، بأن حياته تدمرت بسبب نقابة المهن الموسيقية، مشيرا إلى أن النقابة ظلمته خمس سنوات، فهو غير قادر على ممارسة عمله بسبب وقف النقابة له.
أوضح “بيكا” خلال بث مباشر عبر حسابه الرسمي على موقع التواصل الاجتماعي “فيس بوك”، أنه عمل في كثير من المهن موضحًا: “اشتغلت على توك توك، واشتغلت نجار، سافرت واتغربت وشقيت وتعبت، بس عمري ما مديت أيدي على حاجة مش بتاعتي، أكل عيشي واقف وحياتي مدمرة من النقابة، ظلمتني خمس سنين، قالوا على ناس مزورين ورق وضاربين ورق، وقالوا على ناس مسجلين، والناس دي خدت الكارنيه واشتغلت، يبقى الوقف مش حكم بعدل ربنا.. وربنا لما بيدي الرزق للبشر محدش يعرف يوقفه، فرقتي أنا مقصرتش مع أي حد في شيء، الناس دي وقفت معاها ووقفت جمبها وهما بيطلعوا يقولوا بيكا بينسب النجاح لنفسه، وأنا عمري ما نسبت نجاح لنفسي.. أنا مبعرفش اقرأ ولا أكتب ولا أعرف أرد على الناس، الناس حبت حمو بيكا عشان حمو قلبه أبيض”.