دعاء فاروق تهاجم تبرير ضرب "عروسة الإسماعيلية"
انتقدت الإعلامية دعاء فاروق، من برر واقعة ضرب عريس لعروسه في مدينة الإسماعيلية، وهي الواقعة التي أثارت الجدل خلال الأيام الماضية.
نشرت “فاروق” فيديو قديم كانت قد نشرته قبل عامين، تنتقد فيه فكرة قبول العنف والإهانة مقابل البقاء على المنزل، معتبرة أن تنازل هو تفريط في الكرامة والآدمية، وقالت: “كده أنتي رميتي نفسك في الزبالة”.
نرشح لك: ريهام حجاج عن أزمة عريس الإسماعيلية: فين حق المجتمع!
كما علقت على الفيديو المرفق كاتبة: “هذا الفيديو اللي أنا منزلاه من سنتين علي صفحتي إهداء إلى جوز العصافير اللي طلعوا يصوصووا لبعض واحدة تقولك أبوها راضي وأنا راضي وحاجة بينهم وبين بعض إيه اللي يدخلكم؟!… مش عارفة بينهم وبين بعض في الشارع قدام أمة لا إله إلا الله ازاي؟! والتاني بيصوصو لها وهو متمزج قوي من الخيابة اللي قالتها”. وذلك في إشارة منها لإعجاب عبد الله رشدي بحديث الإعلامية ياسمين عز، الذي أثار غضب مستخدمي مواقع التواصل الاجتماعي بسبب تبريرها للضرب.
تابعت: “اخص عليكوا أنتوا الجوز واحدة ضربت الأخلاق والرقي والأصول في مقتل والتاني بيسقف لها عشان هي عقلانية وعندها منطق.. وماله يا عم الشيخ بس لما جوز بنتك يسحلها في الشارع بفستان فرحها قدام أمة لا إله إلا الله ابقى خليك عقلاني بقي وروح بيتكم موطي راسك لأنك راجل معرفتش تحمي بنتك وهي لسة عالبر.. ابقى قولها سامحيني يا بنتي أبوكي محدش بيحترمه ولا حد عامله حساب هما عملوا كده وأنا عايش وواقف جنبك أوعدك بعد ما أموت هيرموكي في الشارع يا بنتي ومش هيبقالك سعر ولا دية أصل جوزك فارد صدره قوي وبيقول عادى الست بتنضرب عادي، فإنني هتنضربي عادي بس طالما المذيعة الأمورة العاقلة قالت مالناش دعوة ودع الخلق للخالق يبقي تمام حقك عند ربنا بقى.. انسي أن ابوكي راجل”.