والد بوسي يعتذر لها على الهواء بسبب الخلافات
اعتذر محمد شعبان والد الفنانة الشعبية بوسي، على ما بدر منه من تصريحات في حق ابنته وتجاهلها لمرضه وعلاجه خلال الفترة الماضية، مشيرا إلى أنه فعل ذلك من احتياجه.
أضاف والد بوسي خلال لقاء مع سعد الصغير في برنامج “سعد مولعها نار“، مساء الخميس، المذاع عبر شاشة “الشمس”، أنه بعدما انفصل عن زوجته والدة بوسي كان لا يرى ابنته حتى كبرت وكانت في عمر 16 عاما تقريبا، لافتا إلى أنه لم يراها إلى عندما بدأت الغناء في النوادي.
نرشح لك: تأثر الفنان أحمد عزمي بعد مداخلة هاتفية من صلاح عبد الله
تابع: “بفتخر أن دي بنتي وبفرح لما بشوفها في التلفزيون.. بقولها متزعليش مني وبقولك أنا غلطان من الأول.. واحد لعب في دماغي وخلاني أعمل كده ونتيجته جت عليكي.. أنا بتأسفلك أنا أبوكي واستحمليني غلطة وغلطتها.. أنا راجل كبير وكنت محتاج علاج وحد يساعدني والمفروض مكنتش أعمل كده وبعتذرلك يا بنتي حقك عليا”.
تابع: “بوسي طيبة جدا، لو مكنتش طيبة مكنتش هتبعتلي فلوس قبل المشكلة دي، وكانت بتبعتلي فلوس وأنا بشتغل.. والله وأنا شغال كانت بتبعتلي مع أخوها.. ربنا يصلح حالها وحقك عليا يا بنتي.. أنا بحبها قوي والله”.
كما طالب سعد الصغير بوسي، بإنهاء الخلاف ومسامحة والدها واعتبارها غلطة بسيطة حدثت بسبب كبر سنه، مردفا: “عشان خاطر ربنا وابنك عايزين نقرب المسافات، وبابا اتأسفلك ودي حاجة كبيرة قوي أن أب يعتذر لبنته.. وإن شاء الله تكلميه عشان تحضري فرحه”.