ميمي جمال: والدتي رفضت زواجي من حسن مصطفى

محمد هيثم

قالت الفنانة ميمي جمال، إن والدتها رفضت زواجها من الفنان حسن مصطفى لأنه كان متزوجا قبلها ولديه ابنة.

أضافت “جمال” خلال لقائها في برنامج “كلام الناس” مساء اليوم المذاع على فضائية “MBC مصر” وتقدمه الإعلامية ياسمين عز، أن ما شدها لحسن مصطفى هو شعوره بها ولأنه شخص طيب جدا، موضحة: “والدتي قالتلي أنا عايزة أعرف.. لا هو صغير ولا حليوة ولا غني.. شوفي نفسك انتي بنت صغيرة وشكلك كويس وإمكانيات كويسة وومكن تتجوزي جوازة أحسن من كده”.

نرشح لك: ميمي جمال عن دور منى زكي في “أصحاب ولا أعز”: سوء اختيار

 

تابعت: “قولتلها الوحيد اللي لما بقعد معاه بيسمعني، وبيحس بني آدم حساس وطيب.. وحاسة أن هو محتضني ومديني دفء، وكنا لسه بنبتدي أنا وهو، كان لسه يدوبك عامل مسرحية وأنا عاملة مسرحية”.

أردفت: “والدتي مكنتش موافقة خالص بس أنا صممت، قولت لها الراجل ده أنا بحبه بجد وحاسة أنه راجل طيب وهيبقي أب وزوج كويس، أنا مش عايزة واحد حليوة يخليني أمشي اتلفت حواليا، وأنا أدور على حد يروشني ليه أنا عايزة أتجوز جوازة هادية، مع بني آدم عاقل”.

 

MBC مصر حسن مصطفى رئيسية ميمي جمال ياسمين عز