استمع.. أغنية "البخت" لـ ويجز
طرح مطرب الراب ويجز أغنيته الجديدة “البخت” عبر قناته على موقع يوتيوب، وانتشرت الأغنية بين الجمهور على مواقع التواصل الاجتماعي بعد طرحها بحوالي 24 ساعة.
جاءت كلمات الأغنية كالتالي:
عيني منها بشكل جدي
وتقيلة مش تقلانة اتبخر سحري
ومش باجي على بالها مفكرتشي
وبالي فيها بابا بالي مش ملكي
بلعب البخت سألتها ورفضتني
استغربتها أومال فين هيبتي
حبيبي أنا بضحك على خيبتي
يا اخي كنت على الثبات وهزتني
واللي فات ده كان سحري
مش باجي على بالها إن جت سيرتي
أنا بالي معاها مش ملكي
قالت كلام قبل أما تشوفني
عارفني صعب ومش مفهوم
كلامي دبش ومش موزون
أو بتحب حد والبال مشغول
مشوفتوهاش ولا حد يلومني
ملاك بريء ولا أنا مخدوع
هي توتر ولا أنا مهزوز
أو أذاها حد والكل مرفوض
ولا إيه القصة حبيبي فيدني اللي أذوك ياما حبيبي سيبني
أخلي الجاي ورود وشموع
يتغنى لها وبصوت مسموع
ولا إيه القصة حبيبي فيدني اللي أذوك ياما حبيبي سيبني
انسيك ماضي كله دموع
ولا مقدرش اسيبك موجوع
سحرتني ولا سحرتلي
وعيون مش محتاجة تسحرلي
مش عايزة تجبني بس جابتني
ونسيتني وفي قصتي حبستني
والله ووقعت بفكر فيك كتير بالي عليك مشغول
وأنا بتصعب عليا حالي وأنا بكتبلك كلام معسول
بعيد عن عيني ويا عيني مع غيري ومش مبسوط
ده أنا اضيع عمري يا عمري وأحبك حب مش مشروط
لا تلاقي عندي وعود كدابة
وكبرت على ولا شيء مضمون كلامي على قد اللي معايا
في الحب مستناش مردود
بالراحة على قلبي المكسور
اللي مشكلته إنه فيك مسحول
مين اختار اللي عينيك عملوه
ده مش ذنبي أنا صحيت محطوط
يذكر أن ويجز شارك في مسلسل “بيمبو” من أعمال منصة شاهد VIP الأصلية، إنتاج شركة دائرة ميم الإبداعية وشركة فيلم فاكتوري، بطولة أحمد مالك، ويجز وهدى المفتي، وأيضا عدد كبير من ضيوف الشرف والوجوه الجديدة، تأليف محمد أديب ومعه عدد من الكتاب الشباب، وتشارك في الإخراج عمرو سلامة وعمر رشدي في إخراج حلقات من المسلسل.