رسالة رضوى الشربيني لوالدتها في ذكرى وفاتها الأولى
بعثت الإعلامية رضوى الشربيني لوالدتها الراحلة، برسالة في ذكرى وفاتها الأولى، التي تحل في مثل هذا اليوم.
كتبت الشربيني على حسابها على إنستجرام: “عدت سنة على فراقك يا أمي، سنة كاملة من غيرك اكتشفت فيها قد ايه بحبك وإني من غيرك مش أنا.. صحيح انتى علمتيني أعمل حاجات كتير وانتى عايشة بس ما علمتينيش ازاى أعمل كل الحاجات دي من غيرك”.
نرشح لك: وفاة نجل الفنان حازم إيهاب
أضافت: “فراقك وجع ملوش دوا غير بالصبر ووجودك محدش هيملى مكانه، ربنا يرحمك ويغفر لك ويجعل أعمالك الصالحة في ميزان حسناتك يا حبيبتي ويجمعنا بيكى في الجنة، وحشتيني”.
View this post on Instagram
من جهة اخرى، كانت قد علقت رضوى الشربيني، على ظهور الفنانة شيرين عبد الوهاب، في حفلها الأخير قبل أسابيع بشكل أثار الجدل، حيث حلقت شعرها.
قالت “الشربيني” خلال برنامجها “هي وبس“،المذاع عبر شاشة “cbc سفرة”، إنها لا تعرف الفنانة شيرين عبد الوهاب شخصيًا، ولكن تعلم أنها امرأة قوية، وجدعة، ولكنها متألمة، مشيرة إلى أن تاج المرأة شعرها، وعندما تستغني عن شعرها، كأنها تستغني عن أهم شيء.
أضافت: “إحنا كلنا بنحبك يا شيرين، وكلنا بندعمك، وكلنا في ضهرك، وكلنا بنقولك اللي يريحك اعمليه، وإحنا متقبلينك بأي شكل، شيرين قاوحت إنها تبقى مكملة في علاقة مش مريحة، وعشان هي بتحب فضلت تضغط على نفسها”.
تابعت: “بعد أما محبين شيرين قالوا إنها كانت مضروبة ومحلوق شعرها، أو بتتعرض لعنف، نزلت تويتة على تويتر تنفي فيها هذه الادعاءات، بعدها تسربت مكالمة شيرين مع صحفية كبيرة، وكانت قوية لحد آخر المكالمة انهارت في البكاء”.
أردفت: “على قد ما أنا كنت بحب علاقة شيرين وحسام، على قد ما زعلت جدا لما شوفت الصورة بتاعتها إمبارح، شيرين لو ماكنتش محبوبة أو ليها جمهور كانت هتعمل إيه! في المكالمة كانت بتقول خلاص أنا بقيت مفلسة، عشان كده بنقول لازم تشتغلي، بنقول شوفي وراكي إيه، مش بنقولك حطي السكينة ورا ضهرك وأنتي بتتجوزي، ومش بنقول إنها حرب، وإنك المتحكمة، بس خافي من الدنيا”.
واصلت: “يا ريت عقولكوا تتدخل عشان تعمل التوازن المطلوب، ماتبقيش أم في علاقة طول الوقت، تبقي أم وحبيبة وزوجة، وتاخدي حقك زي ما بتدي اللي قدامك حقه، يا ريت تفهمي إنك ذمتك المالية تنفصل عن ذمته المالية، يا ريت تفهمي إن الحب قد يكون مستمر وقد يكون لأ فماتتجننيش لما تسيبوا بعض”.
