عمرو أديب يرد على انتقادات حديثه عن الأسعار
رد الإعلامي عمرو أديب على الانتقادات التي وجهت له خلال الساعات الماضية، بسبب تصريحاته في حلقة أمس، الاثنين، من برنامج “الحكاية” على قناة mbc مصر، بشأن ارتفاع الأسعار، وضرورة التخلي عن شراء السلع مرتفعة الثمن لمواجهة الأزمة.
كتب أديب عبر حسابه على تويتر: “فى نفس الحلقة اتكلمت عن ازاي الناس تشتري الأرخص وتختار المحلات اللي بتبيع الأساسيات الثابتة من غير زيادة، واتكلمت عن دور الدولة في ضرب الاحتكارات.. وما كان موضوع البيض الأورجانيك إلا انتقاد للناس اللي محبكاها قوي وتشتكي من أشياء تافهة”.
نرشح لك:إبراهيم عيسى: ارتفاع الأسعار يقلل من شعور المواطن بقيمة الإنجازات
تابع: “ثواني والجزيرة مصر سابت ساعة كلام واشتغلت عالبيض والبسطرمة اجتزاء وترصد كالعادة اتعودت عليه. المهم الفيديوهات موجودة وياريت الناس تبطل ثقافة الهاشتاج.. وفي النهاية الرسالة واحدة الأيام اللي جاية صعبة”.
أضاف أديب: ”واتكلمت عن إزازة الزيت بكام وعلبة اللبن حالها ايه والجبنة المثلثات نعمل معاها إيه والسمنة نتصرف معاها ازاي.. إنما ثقافة التفاهة والترصد المستمر وطبعا أنا خبير وقديم ومش مصدق إني بكتب بحكي والفيديوهات موجودة ولكن هذا عملي وهذا وطني وهذا قدري”.
فى نفس الحلقه ونفس الموضوع اتكلمت عن ازاي الناس تشتري الارخص وتختار المحلات اللي بتبيع الاساسيات الثابته من غير ذياده واتكلمت عن دور الدوله فى ضرب الاحتكارات وما كان موضوع البيض الاورجانيك الا انتقاد للناس اللي محبكاها قوي وتشتكى من اشياء تافهه. ثوانى والجزيره مصر سابت ساعه كلام
— Amr Adib (@Amradib) March 8, 2022
كان الإعلامي عمرو أديب قد علّق على الزيادة الملحوظة في ارتفاع الأسعار عالميا، مؤكدا ضرورة التوفير قدر الإمكان حاليا، والاعتماد على المنتجات الأساسية والأرخص، قائلا: “ليه اشتري زجاجة زيت زيادة؟ دي ورقة بوسطة، ليه اشتري علبة تونة أو كيس بطاطس أو علبة زبادي بسعر زيادة؟ المصنع المنتج بيطلع نفس الجودة، الإنجليز هيشتروا السلع المعروفة الثمن من الأرخص، أنت كمان اذهب وقارن، كان عندي حوار مع حد من شوية في البيض، بيقولي أصل أنا بآكل البيض الأورجانيك، يا عم ده مش وقت بيض، كله بالبسطرمة هيبقى نفس الطعم”.