مريم الخشت: الست المصرية قوية من قبل السوشيال ميديا
سالي فراج
احتفلت الفنانة مريم الخشت باليوم العالمي للمرأة، موضحة أن المرأة قوية بفطرها من قبل ظهور وسائل التواصل الاجتماعي، أو أي وسيلة حديثة تعبر من خلالها عن نفسها وعن قضاياها.
نشرت “الخشت” صورا لها من مدينة الأقصر، وذلك على موقع تبادل الصور والفيديوهات “إنستجرام”، وعلقت كاتبة: “بما إن النهاردة هو يوم المرأة العالمي، وبما إني كنت بحضر فعاليات مهرجان الأقصر.. فقلت أستغل الفرصة دي عشان أبروز مقولة (الستات بفطرتها قوية).. ودة من قبل السوشيال ميديا والتلفزيون وأي حاجة ممكن الستات دلوقتي تتكلم من خلالها عشان تعبر عن رأيها أو توصل صوتها”.
نرشح لك: رسائل النجمات في اليوم العالمي للمرأة
تابعت أن المرأة المصرية قوية منذ فجر التاريخ، مثل الملكة حتشبسوت، كاتبة: “والملكة حتشبسوت اللي بنت المعبد ده، هي أكتر واحدة بتثبت المقولة دي، لأنها كسرت التقاليد اللي كانت موجودة في مصر القديمة إن الست متنفعش تبقى ملكة، وكانت وصية على عرش مصر، والحاكم الفعلي للبلد وقتها، وهي الملكة اللي أخدت لقب فرعون”.
أضافت: “قوة الستات مظهرتش لما السوشيال ميديا ظهرت زي ما ناس كتير بتقول، الست المصرية قوية من سنين مش هعرف أعدها لأنهم كتير أوي بصراحة، بس خليني أقول لكل ست في الدنيا كل سنة وأنتي قوية.. دُمتم حلوين”.
View this post on Instagram
يذكر أن مريم الخشت شاركت في السباق الدرامي في رمضان العام الماضي بمسلسل “قصر النيل”.
مسلسل “قصر النيل” من إخراج خالد مرعي، تأليف محمد سليمان عبد المالك، وبطولة دينا الشربيني وريهام عبد الغفور وأحمد مجدي والفنان الكبير صلاح عبد الله ومحمد محمود عبد العزيز وأحمد خالد صالح ومحمد حاتم ونبيل عيسى وعمر السعيد وناردين فرج ومريم الخشت ومحمود البزاوي وسامي مغاوري.