نجوى فؤاد: بقالي 7 سنين من غير شغل
محمد هيثم
قالت الفنانة نجوى فؤاد إن الوسط الفني لم يعد به الرحمة والتعاطف والعطاء، موضحة أنه إذا اختفى شخص لشهر أو شهرين لا يسأل أحد عنه.
تابعت “فؤاد” خلال اتصال هاتفي في برنامج “كلام الناس” مساء اليوم المذاع على قناة “MBC مصر” وتقدمه الإعلامية ياسمين عز، أن قديما كان هناك حنية وعطف بين الفنانيين، ولكن ذلك لم يعد هذا العطف موجودا، موضحة: “يوم نتعشى عند فريد شوقي، يوم عند نادية لطفي ويوم عند سعاد حسني، يعني ملتحمين مع بعض، كنا مبنفارقش بعض”.
نرشح لك: تفاصيل الحالة الصحية لـ نجوى فؤاد
أضافت: “دلوقتي مش لاقية حد، مع أن وسيلة الموبايل خفيفة جدا، أنا عارفة أن عندك شغل وعندك مشاكل، بس السؤال محرمش.. أنا قاعدة من غير شغل بقالي 7 سنين، أشوف العمر بتاعي أنا مبقولكش اديني أدوار سندريلا ولا فتاة الجامعة فين أدواري؟ طب شغلت فلانة وفلانة وفلانة أكتر من 30 مسلسل فين أنا، ما أنا عايزة أعيش.. أنا اشتغلت 50 سنة في المهنة دي، وضيعت فلوسي كلها في الإنتاج”.
أردفت: “لما تسألي يقولك أصل الدنيا عرض وطلب، لا العرض والطلب يبقى البطل والبطلة والمخرج والمؤلف والسيناريست، لو دول أقوياء وكويسين وحلوين هم دول عواميد العمل، أما الأدوار التانية أو ثانوية، مبيبقاش عرض وطلب إطلاقا”.
يذكر أن آخر أعمال نجوى فؤاد الفنية، فسلم “قهوة بورصة مصر” عام 2018، من بطولة علاء مرسي وصلاح عبد الله ومحمد جمعة وجمال حجازي وحسن حسني ولطفي لبيب وبيومي فؤاد، وآخرين. من إخراج أحمد نور وتأليف علاء مرسي.