ياسمين عز: ويجز يلبس اللي هو عاوزه
وجهت الإعلامية ياسمين عز تحية دعم وتقدير للرابر المصري ويجز، بسبب الجدل الذي أثير حوله إطلالته في حفله الأخير بالمملكة العربية السعودية، والتي ارتدي فيها شورت وجاكيت واسع باللون الأخضر.
أوضحت ياسمين خلال برنامجها “كلام الناس” على قناة mbc مصر، أن ويجز يستحق التحية لأنه استطاع لفت الانتباه إليه، وأصبح حديث الناس لعدة أيام، قائلة: “سقفة وتحية لويجز على الهواء بسبب اللوك اللي ظهر بيه في حفلته الأخيرة، مبقاش فيه شغل شاغل للناس إلا إنها تتكلم عن اللوك بتاعه.. أنت مشكلتك مع الشورت ولا مع الألوان اللي لابسها، هو يلبس اللي هو عايزه براحته”.
نرشح لك: تخطت 93 ألف جنيه.. سعر إطلالة ويجز بحفله بموسم الرياض
أضافت أن المطرب الراحل محمود شكوكو كان يرتدي ملابس بنفس الألوان، ولم ينتقده أحد، قائلة: “مش الراب بيصنفوه في النقابة إنه حاجة قريبة من المونولوج، طب نجم المونولوج الأول في مصر شكوكو سبحان الله كان لابس نفس اللون اهو، جلابية موف وعصاية خضرا ومحدش انتقد ولا أتكلم عن الألوان”.
تابعت: “مش معقول ومش مقبول بقالنا أيام ملناش سيرة غير ويجز للدرجة دي بقينا فاضيين في حياتنا.. لو كده يبقى برافو عليه ويستاهل تحية على الهواء لأنه فهم الناس صح.. تتفق أو تختلف مع لبسه بس في الآخر هو عرف يشغل الناس وياخد اللقطة.. بشويش على نفسكم بلاش نكبر المواضيع”.