نجوى فؤاد عن "بدل الرقص": أنا أول واحدة استخدمت "الشيفون" لتغطية البطن
قالت الفنانة نجوى فؤاد، إنها عندما كانت ترقص كان الراحل يحيى حقي هو من يتولى الرقابة، لافتة إلى أنها أول من استخدمت “الشيفون” في “بدل الرقص” لتغطية منطقة البطن.
تابعت “فؤاد” خلال لقائها مع برنامج “كلام الناس” المذاع على شاشة mbc مصر وتقدمه الإعلامية ياسمين عز: “أنا أول من عمل الشيفون ده، قولتله يحيى بيه ده الممنوع مرغوب، على البطن كانوا بيحطوا نجمة أو شوية خرز، قولتله أنا مش عارفة أرقص كده، لازم الجزء ده يكون شاده حاجة متغطية يعني، حتى لو شفافة شوية إنما متغطية”.
نرشح لك: موعد حفل عمرو دياب وحماقي بموسم الرياض
في نفس السياق، أوضحت رأيها في زي الراقصات الأجانب، قائلة: “رأيي في الأوكرانيات والروسيات، هما بيرقصوا حلو، اللي بيتمرنوا عليه بيرقصوا حلو، لكن الزي بتاعهم أنا غاضبة وربنا غاضب، لأن لازم يبقى فيه عليهم رقابة، كتير أوي يعني فاضح، اللبس مفتوح كتير مش شويتين، كتير كله مفتح، كله شبابيك”.
استكملت: “فلازم يتوجهوا يلبسوا ازاي لأن أنتوا في بلد لها تقاليدها وبلد إسلام أكتر ما هي مثلا أوروبية أو أجانب فيها، يعني لازم يتوجهوا ما هما مش عارفين حاجة، هما عندهم ده عادي، إحنا عندنا مش عادي”.