آخر تطورات الحالة الصحية لـ غادة عادل
تحدث أبناء الفنانة غادة عادل، عبدالله وحمزة الهواري، عن تفاصيل أزمتها الصحية الأخيرة وآخر تطورات حالتها الصحية.
قال “عبدالله” خلال لقائه مع “ET بالعربي“: “هي كانت زي الفل وكنا مسافرين مافيش أي حاجة، واكتشفنا هناك إن جالها مش عارف تسمم في حاجة وتعبت جامد ومكناش نقدر ننزل، في الأول بدأت بسيطة كنا فاكرين تعب بسيط تريح أول يوم وثاني يوم تبقى كويسة، إنما كان التعب بيبقى أوحش وأخدتها المستشفى واكتشفنا إنها جالها تسمم ولكن الحمدالله هي بقت أحسن ونزلت الشغل عادي”.
نرشح لك: “الصحة”: انخفاض ملحوظ في معدلات الإصابة بـ كورونا
وأضاف “حمزة”: “اللي حصل كنا قاعدين في البيت، وهما كانوا في لندن وهي بس تعبت شوية وهي الحمدلله دلوقتي كويسة، ما تخافوش مافيش أي حاجة”.
كانت الفنانة غادة عادل، قالت إنها لا تحب نشر أخبارها الخاصة على مواقع التواصل الاجتماعي، مشيرة إلى أنها لم تغضب من أولادها بعد نشر صورها وطلبهم الدعاء لها، لأن دعاء الناس لها كان سببا في تعافيها.
تابعت “عادل” خلال مداخلة هاتفية في برنامج “الحكاية” المذاع على فضائية “MBC مصر” ويقدمه الإعلامي عمرو أديب مساء أمس، أنه الأطباء لم يريدون خروجها من المستشفى لكنها هي من طلبت الخروج، لأنها شعرت بتحسن، لافتة: “رجعتلي روحي تاني، أول إمبارح كنت في أوحش وقت مكنتش حاسة بالدنيا وبترعش وكان عندي حرارة مبتنزلش وعندي بكتيريا في الدم”.
أضافت: “أنا كنت بأخد مضاد حيوي في الوريد وعروقي اتدمرت، مبقاش عندي عروق ولا دم، النهاردة بياخدوا مني دم فكل حتة في عروقي مبتنزلش دم قولتلهم ده مثل اللي بيقول ده دمه نشف، أنا دمي نشف”.
أوضحت: “حصلي انسداد في المثانة ومهتمتش عشان كنت بشتغل، ومع المجهود البكتيريا طلعت على الكلى وطلعت على الدم خدت خمس أيام أجازة وسافرت ومن يوم ما سافرت وأنا تعبانة، البكتيريا كانت وصلت للدم بس لحقناها وموصلتش لمرحلة التسمم”.
أشارت: “أنا لقيت أن في ناس كتير بتحبني وأنا مكنتش عارفة، والحمد لله أني عرفت أني غالية عند ناس كتير.. ومجدي سأل عليا وقلب الدنيا، الصحة أهم حاجة في الدنيا ربنا يديمها نعمة”.