عمرو أديب: الدولة المصرية قد تضطر لأخذ إجراءات اقتصادية صعبة

قال الإعلامي عمرو أديب، إنه في تقديره أن الدولة المصرية قد تضطر لأخذ إجراءات اقتصادية ومالية صعبة خلال الأيام المقبلة، موضحًا أن مصر مثلها مثل باقي دول العالم في إتخاذ مثل هذه القرارات.

تابع “أديب” خلال تقديمه لحلقة اليوم من برنامج “الحكاية” المذاع على شاشة “MBC مصر”، أن البنوك المركزية في جميع دول العالم معنية بزيادة الفائدة، لافتا: “هتقولي أنت جايب الكلام دا منين؟ هشرح لكم حاجة بسيطة وأوعى أن ده كلام في الاقتصاد، أنا عارف أن كلمة اقتصاد دي بتضايق، هي البنوك المركزية بترفع الفائدة ليه؟ البنوك المركزية في جميع دول العالم هي اللي بترفع الفائدة”.

نرشح لك: “قوادون وفجرة”.. محمد الباز يوجه رسالة لمحتكري السلع

 

أضاف: “الأسبوع اللي فات الفدرالي الأمريكي رفع الفائدة، دا فين في أمريكا، ممكن أشرح لحضراتكم هي البنوك بترفع الفائدة ليه، البنوك المركزية بترفع الفائدة لما يبقى في ارتفاع في الأسعار، إحنا عندنا ارتفاع في الأسعار؟ أيوة، جه ليه؟ عشان الحرب، وقبله الموجة التضخمية”.

أردف: “في موجتين أسعار زادت واحدة بسبب الكورونا والتانية بسبب الحرب، فيجي البنك المركزي يرفع الفائدة، وبيرفع الفائدة ليه؟ هو عايز يواجه ارتفاع الأسعار، بيواجهوا إزاي؟ بيخلي الفلوس عزيزة صعب توصل لها يعني الاقتراض بتاعك والاقتراض بين البنوك والاقتراض بين الأفراد يبقى صعب، لأن أنت لقيت الفائدة أعلى، يعني لو واخد قرض ولقيت فائدته قلت هتشتري أقل فلما تشتري أقل الأسعار تبتدي تنزل، دي فكرة رفع الفائدة”.

 

أوضح: “هو الجنيه المصري قوته وسعره هي هي النهاردة زي من أربع أسابيع، لو أنت معاك 10 آلاف جنيه من شهر أو من شهرين قيمتمهم دلوقتي 9 أو 8 مبيجبوش نفس السلع اللي ممكن تجيبنا من شهرين، الجنيه اللي في جيبك سعره قل، طب الجنيه اللي في جيب الحكومة سعره أخباره إيه، هو نفس الجنيه، ولذلك أنا مظنش أنا سعر الجنيه يفضل ثابت قدام الدولار، الناس عايزة العالم كله يتغير والدنيا كلها تتنيل وإحنا ميجراش لينا حاجة، طبيعي الجنيه قدام الدولار ممكن يتحرك”.

عمرو أديب

اشمعنى المرة دي؟ حكاية ترند اطلالة ويجز في موسم الرياض

MBC مصر الحكاية رئيسية عمرو أديب نيوز ليتر