عمرو أديب: المحظوظ في روسيا دلوقتي معاه كيس سكر
قال الإعلامي عمرو أديب، إن أغلب الدول في الوقت الحالي لديها أزمات اقتصادية، حتى روسيا لديها نقص في بعض المنتجات كالسكر.
تابع “أديب” خلال حلقة اليوم الاثنين من برنامجه “الحكاية” المذاع عبر شاشة “mbc مصر”: “أنا مابفهمش في الاقتصاد، أنا بفهم في إني أنزل السوق ألاقي حاجتين.. البضاعة موجودة وإنها تبقى بسعر أقدر عليه، أنا كمواطن سواء غني أو فقير ليا إني أنزل ألاقي بضاعتي”.
نرشح لك: أبرزها زيادة المرتبات والمعاشات.. قرارات “الوزراء” لمواجهة ارتفاع الأسعار
أضاف: “على سبيل المثال روسيا معندهاش سكر، والمحظوظ في روسيا دلوقتي يبقى معاه كيس سكر، هما كانوا متخيلين إنهم أقوياء جدا وفي الآخر مش عارف يوفر كيس سكر.. تأتي الدول في وقت معين عندها أزمة”.
كان الإعلامي عمرو أديب، قال إنه في تقديره أن الدولة المصرية قد تضطر لأخذ إجراءات اقتصادية ومالية صعبة خلال الأيام المقبلة، وذلك قبل قرار رفع سعر الفائدة الذي صدر صباح اليوم، موضحًا أن مصر مثلها مثل باقي دول العالم في إتخاذ مثل هذه القرارات.
تابع “أديب” خلال تقديمه لحلقة اليوم من برنامج “الحكاية” المذاع على شاشة “MBC مصر”، أن البنوك المركزية في جميع دول العالم معنية بزيادة الفائدة، لافتا: “هتقولي أنت جايب الكلام دا منين؟ هشرح لكم حاجة بسيطة وأوعى أن ده كلام في الاقتصاد، أنا عارف أن كلمة اقتصاد دي بتضايق، هي البنوك المركزية بترفع الفائدة ليه؟ البنوك المركزية في جميع دول العالم هي اللي بترفع الفائدة”.
أضاف: “الأسبوع اللي فات الفدرالي الأمريكي رفع الفائدة، دا فين في أمريكا، ممكن أشرح لحضراتكم هي البنوك بترفع الفائدة ليه، البنوك المركزية بترفع الفائدة لما يبقى في ارتفاع في الأسعار، إحنا عندنا ارتفاع في الأسعار؟ أيوة، جه ليه؟ عشان الحرب، وقبله الموجة التضخمية”.