عمرو أديب يحذر التجار من استغلال أزمة ارتفاع الأسعار
قال الإعلامي عمرو أديب، إنه يحذر التجار من التلاعب بالأسعار واستغلال الأزمة، لأن الأمر مختلف ومحاط بالخطر الحقيقي هذه المرة.
تابع “أديب” خلال حلقة أمس الاثنين من برنامجه “الحكاية” المذاع عبر شاشة “mbc مصر”: “هذا نداء قبل الأخير للتجار، لو الأمر بقى فيه استغلال الناس مش هتشتري حاجة، بالمناسبة برة ابتدوا يلاحظوا المحلات الفاضية.. يعني أنا لو معايا قرشين كلهم التضخم، أنا حاطط فلوسي في جيبي وقاعد عشان العيل عاوز يتعالج.. هو ده اللي المفروض يحصل دلوقتي”.
نرشح لك: عمرو أديب: المحظوظ في روسيا دلوقتي معاه كيس سكر
أضاف: “بقول للتجار بلاش مجازفة في السوق.. الأمر مش سهل زي كل مرة”.
كان الإعلامي عمرو أديب، قال إنه في تقديره أن الدولة المصرية قد تضطر لأخذ إجراءات اقتصادية ومالية صعبة خلال الأيام المقبلة، وذلك قبل قرار رفع سعر الفائدة الذي صدر صباح اليوم، موضحًا أن مصر مثلها مثل باقي دول العالم في إتخاذ مثل هذه القرارات.
تابع “أديب” خلال تقديمه لحلقة اليوم من برنامج “الحكاية” المذاع على شاشة “MBC مصر”، أن البنوك المركزية في جميع دول العالم معنية بزيادة الفائدة، لافتا: “هتقولي أنت جايب الكلام دا منين؟ هشرح لكم حاجة بسيطة وأوعى أن ده كلام في الاقتصاد، أنا عارف أن كلمة اقتصاد دي بتضايق، هي البنوك المركزية بترفع الفائدة ليه؟ البنوك المركزية في جميع دول العالم هي اللي بترفع الفائدة”.
أضاف: “الأسبوع اللي فات الفدرالي الأمريكي رفع الفائدة، دا فين في أمريكا، ممكن أشرح لحضراتكم هي البنوك بترفع الفائدة ليه، البنوك المركزية بترفع الفائدة لما يبقى في ارتفاع في الأسعار، إحنا عندنا ارتفاع في الأسعار؟ أيوة، جه ليه؟ عشان الحرب، وقبله الموجة التضخمية”.
