عبير صبري تقترح إلغاء التعليم المجاني

قالت الفنانة عبير صبري، إنها تقترح أن يتم إلغاء التعليم المجاني، بحيث يقتصر على المتفوقين جدا فقط.

أوضحت “صبري” خلال لقائها في برنامج “مصر جديدة”، الذي يعرض عبر شاشة ETC: “أنا مش موافقة على التعليم المجاني للجميع، التعليم المجاني ده لازم تبقى حاجة للمتفوقين جدا، يعني اللي يوصل للجامعة هو اللي هيفيد البلد بسبب إنك بتدفعي له الفلوس دي من خزينة الدولة من دافعي الضرائب.. طبعا كل الناس تتعلم بس تتعلم حاجات مهمة ليها شخصيا تكون مطابقة لميولها وظروفها”.

نرشح لك: هل تصبح الدراسة أونلاين في شهر رمضان؟.. وزير التعليم يجيب

وأشارت إلى أنها تتمنى أن يتم احترام التعليم الفني بأن يتم ابتكار أفكار جديدة له، ودعمه بصورة أخرى غير تلك التي عهدناها، معلقة: “الصورة النمطية اللي أخدناها من أيام الستينات إن لازم كل الناس تتعلم، طبعا كل الناس تتعلم بس تتعلم حاجات مهمة ليها شخصيا تكون مطابقة لميولها وظروفها، وبالتالي لما يطلع حد اتعلم تعليم صناعي فني يدوي ويكون شاطر في ده، يطلع هو نفسه شيء عظيم وكبير ومنتج، فيفيد البلد ويفيد نفسه ويعرف يجيب فلوس صح عن إن انتي تفضلي تتعلمي التعليم المجاني وتفضلي تروحي الجامعة وتيجي من الجامعة وتخلصي الجامعة فالحكومة تقولك معلش معنديش أماكن ليكي أو حتى لو ليكي مكان اقعدي على المكتب وخدي مرتب على حاجة انتي مبتعملهاش”.