هتتطلقوا امتى؟.. رد زوجة خالد عليش على سؤال متكرر

ردت الإعلامية ميرهان عمرو، زوجة الإعلامي خالد عليش، على سؤال “هتتطلقوا امتى”، الذي تكرر كثيرا من قِبل بعض المتابعين على مواقع التواصل الاجتماعي.

نشرت “عمرو” عبر حسابها الشخصي على موقع “إنستجرام”، صورة جمعتها بـ “عليش”، وعلقت عليها كاتبة: “هتتطلقوا امتى؟.. بالشكل ده بالظبط بيجي كومنت في إطار سؤال هزلي وفعلا هو منطقي جدا بسبب نسب الطلاق اللي كترت اوى بقالها سنين للأسف، ولكن السؤال ده بيتوجه للناس اللي بيتجوزوا في مجالنا بس وأكيد مش إحنا اللي بنمثل نسبة صغيرة جدا من الجوازات كل سنة السبب في كثرة الطلاق في مجتمع مليان ناس أكتر مننا بكتير فيه”.

نرشح لك: موعد حفل تامر عاشور ورامي صبري بموسم الرياض

تابعت: “مستحيل يكون “هتتطلقوا امتى؟” كومنت على صورة الفرح بتاعت مهندس أو دكتورة زي ما بيحصل معانا مع إن هم كمان بيتطلقوا عادي ويتجوزوا تاني برضه عادي”.

أضافت: “أنا وخالد كان لنا تجربة جواز قبل بعض وناس كتير ممكن تكون فاهمة خوف الأشخاص اللي ربنا ما كتبلهومش التوفيق في الجوازة الأولى بيكونوا خايفين يتجوزوا تاني لاحسن ماينجحوش تاني”.

في نفس السياق، أكملت: “مفيش ناس ناضجة بيكونوا مضطرين يتجوزوا أو يكملوا.. هو أنجح واحد في مجاله مش محتاج واحدة تكملوا وأنا ماشية كويس في اللي بعمله الحمد لله وكنت عايشة مع أمي برنسيسة، أكل شرب ودلع، قررنا نجازف، كنا ولسه خايفين بس شوفنا إننا نستاهل فرصة”.

اختتمت حديثها: “أعترف إني أتمنى ربنا يرزقني بإبن أو بنت من خالد رغم إني مش عارفة المستقبل مخبي ايه ودي مجازفة تانية، بتمنى العمر كله نكون عارفين نبسط بعض بحاجات بسيطة هي اللي بتعمل للجواز بكل مشاكله طعم.. للي بيسأل هنطلق امتى بقوله معرفش بس يا رب ميجيش اليوم ده أبدا عشان هخسر نعمة ربنا رزقني بيها”.

إنستجرام الإعلامية ميرهان عمرو خالد عليش رئيسية مواقع التواصل الاجتماعي نيوز ليتر