حلا شيحة عن والدتها: أنتي الحنان كله والعزوة والسند
شدوى ممدوح حلا شيحة
وجهت الفنانة حلا شيحة، رسالة لوالدتها بمناسبة عيد الأم، موضحة أهمية دور والدتها في حياتها، وحبها الشديد لها.
نشرت “شيحة” عبر حسابها الشخصي على موقع تبادل الصور والفيديوهات “إنستجرام”، صورة تجمعها بوالدتها، وكتبت: “حبيبتي يا أمي، الحنان كله والعزوة والسند الجميل، والطيبة النادرة والحكمة والصبر علينا، عمرك أبدا ما اتعصبتي علينا ودايما بتحتوينا، عمري ما خُفت اتكلم معاكي، دايما جميلة حتى في زعلك، متفهمة”.
نرشح لك: حلا شيحة توجه مجموعة نصائح عن الصلاة عبر “إنستجرام”
أضافت: “ولو كلمة مش عجباكي بتكتفي برد محايد، بتحبي الضحك ودمك خفيف، استقبالك وكرمك لما حد يزورك، و روحك الجميلة.. ربنا يخليكي لينا، ويوسع قلبك دايما”.
View this post on Instagram
يشار إلى أن الفنانة حلا شيحة، كانت قد وجهت مجموعة من النصائح إلى متابعيها، متعلقة بصلاة الجمعة، والصلاة في العموم.
كتبت “شيحة” عبر حسابها على موقع تبادل الصور والفيديوهات “إنستجرام”: “جميل أوي بين مشاغل حياتنا وانشغالنا إن وقت الصلاة ولما نسمع الأذان نسيب كل حاجة وندور على مكان نصلي فيه، أو على الأقل نحاول نصلي لو مش حنلحق نرجع ونصلي في البيت المهم منفوتش صلاة”.
تابعت: “جميل الإحساس إننا بتقول لربنا أنت أغلى من أي حاجة في حياتنا.. يا رب وبنحاول نكون معاك وقت لما بتنادي علينا خمس مرات في اليوم”.
اختتمت: “نداء الصلاة ده يا جماعة نداء عظيم ومهم مش حاجة نسمعها ونعديها وخلاص ده نداء لملك الملوك ده نداء العظيم.. رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي ۚ رَبَّنَا وَتَقَبَّلْ دُعَاء”.