عمرو أديب عن أداء المنتخب المصري: وارد نلعب أحسن في السنغال

علق الإعلامي عمرو أديب، على فوز المنتخب المصري في مباراته مع منتخب السنغال، التي أقيمت مساء أمس الجمعة باستاد القاهرة الدولي.

قال “أديب” خلال حلقة أمس الجمعة من برنامجه “الحكاية”، المذاع عبر شاشة “mbc مصر”: “ماتش صعب.. ولولا الجول بتاع صلاح اللي دخل ببركة ربنا برده، النهاردة وفي كل الماتشات هو الوحيد اللي بيلعب كورة مؤكدة وبينقل صح، لازم نفهم يعني إيه قيمة صلاح، لو كنا اتعادلنا في أي لحظة كان هيجي منهم جول تاني وتالت.. بس الحمد لله عندنا بردو خط دفاع عبقري وكلهم أبطال”.

نرشح لك: شاهد.. مذيعة BBC تصاب بنوبة ضحك على الهواء

أضاف: “كل اللاعيبة اللي موجودة في المكان ده بجد أساتذة، لكن الناس كلها مش مرتاحة وفي حالة قلق.. بس هي دي الكورة وده جمالها، إنما وارد جدا نلعب أحسن في السنغال الماتش الجاي.. من غير أمل وألم، مش هتقدر تروح تلعب في السنغال يوم التلات الجاي وإحنا كدة، لازم نستنفذ كل أدواتنا لحد آخر لحظة لأن مفيش حل تاني”.

يشار إلى أن منتخب مصر حقق فوزا على السنغال، بمبارك أمس الجمعة، حيث حقق هدف دون رد في مباراة ذهاب التصفيات النهائية المؤهلة لكأس العالم.

وكان كارلوس كيروش، المدير الفني للمنتخب الوطني، عن قائمة المنتخب لمباراتي السنغال في المرحلة النهائية من التصفيات الأفريقية المؤهلة لكأس العالم قطر 2022.

ويذكر أنه قد تحدد موعد مباراتي مصر والسنغال في المرحلة الأخيرة من تصفيات كأس العالم قطر 2022، بحيث تكون مباراة الذهاب 25 مارس على استاد القاهرة الدولي الساعة 9:30 مساء، وتكون مباراة الإياب 29 مارس على ملعب ديامنيديو بداكار الساعة 7:00 مساء.