دينا الشربيني عن علاقتها بعمرو دياب: مكنش في أيام وحشة
محمد هيثم
دينا الشربيني وعمرو دياب
كشفت الفنانة دينا الشربيني، عن سبب عدم تعليقها على انفصالها من الفنان عمرو دياب، موضحة أن تعليقها على هذا الأمر يعد تدخلا في حياته.
أضافت “الشربيني” خلال لقائها في برنامج “ادينا بندردش” مع الإعلامية شيرين عرفة، أن عمرو دياب شخص ناجح جدا ومحترم، بدون شهادة من أحد لافتة: “أنا لما كنت بتكلم قبل كده إحنا الاتنين كنا مع بعض، في دي حياته وحياتي مع بعض”.
نرشح لك: انتقادات لـ ماجد المصري بسبب إيحاءات جنسية في مشهد من “توبة”؟
أوضحت: “لما بقى في انفصال أنا مقدرش أطلع أتكلم على حياة حد، مقدرش أقول حصل ليه؟ أو إيه اللي حصل؟ كل اللي أقوله هو اللي كنت بقوله قبل كده لأن دي فعلا مشاعري”.
أشارت: “بني آدم محترم جدا، وناجح جدا، من غير كلام من غير ما حد فينا يعلق في حاجة، وكل واحد بيفتكر الأيام الحلوة اللي عاشها ومكنش فيه وحش، وهو ده السبب أن أنا متكلمتش”.
View this post on Instagram
في سياق آخر قالت الفنانة دينا الشربيني، إنها سعيدة بتكرار تعاونها مع الفنان محمد رمضان، بعد فيلم “جواب اعتقال”، في مسلسل “المشوار”، وتعتبر دورها في المسلسل مختلف عن باقي أدوارها السابقة.
تابعت “الشربيني” خلال مداخلة هاتفية مع برنامج “مساء dmc” مع الإعلامية إنچي القاضي، عبر شاشة “dmc”: “ورد هي بنت غلبانة جدا، وبتحب جوزها أوي أوي وبتحب ابنها، بس الأحداث هتبدأ من تاني أو تالت حلقة من المسلسل”.
أضافت: “هما زوجين بيشتغلوا باليومية وبتضطرهم الظروف يهربوا، وبنشوفهم في عوالم مختلفة وبيروحوا من حتة لحتة”.
أردفت أن المسلسل هو التعاون الثالث لها مع المخرج محمد ياسين، وهو الشيء الذي تعتبره ممتعا ويخرج أفضل ما في موهبتها، كما أنه التعاون الثاني لها مع الفنان محمد رمضان، والذي عبرت عن سعادتها بالعمل معه، معلقة: “هتشوفوا حاجة مختلفة خالص”.
