شاهد.. انهيار ميار الببلاوي بعد عرض مشاهد من أعمالها الفنية
انهارت الفنانة ميار الببلاوي، أثناء حلولها ضيفة على برنامج “سابع سما” مع الإعلامية راغدة شلهوب، المذاع عبر شاشة “النهار”، بسبب عرض مشهد تمثيلي قديم لها من أحد أفلامها.
ووجهت “الببلاوي” اللوم للإعلامية راغدة شلهوب، قائلة: “مش عاوزة أفتكره لأ حرام.. آخر حاجة ممكن أتخيلها إنك تعرضهالي، أنا نفسي الحاجات دي تتحرق.. أنا إنسانة ممكن تدفع عمرها كله بس الفيديو ده يتشال من على جوجل، أنا عملت كل حاجة وراسلتهم ومستعدة أدفع كل الفلوس اللي حيلتي والفيديو ده يتشال”.
نرشح لك: ميار الببلاوي لـ إلهام شاهين: الدين خط أحمر
أضافت: “أنا مش بقارن نفسي بالصحابة طبعا.. بس ياما كان فيه صحابة كانوا بيشربوا خمر مثلا وسيدنا عمر كان بيوئد بنته، لكن لما أسلم بقى من العشرة المبشرين بالجنة، وأنا تبت لله سبحانه وتعالى ومش عاوزة أفتكر الحاجات دي تاني”.
أردفت: “مش عاوزة ابني يشوف حاجة زي كدة، وهو عمره ما دخل يشوف حاجة زي كدة.. أنا تاريخي الفني كله مفهوش غير المشهد ده، ومش عارفة ليه عرضتوه، ولو بحثتي مش هتلاقي غير المشهد ده ومشهد لابسة فيه مايوه”.