شيرين رضا: "جوازات الوسط الفني فاشلة"
قالت الفنانة شيرين رضا، إن معظم زيجات الوسط الفني لا تنجح، ليس في مصر فقط ولكن في هوليوود أيضا.
تابعت خلال حلولها ضيفة على برنامج “حبر سري”، مساء الثلاثاء، مع أسما إبراهيم عبر شاشة “القاهرة والناس”: “جوازات الوسط الفني مش بتكمل مش عارفه ليه؟! ومعرفش السبب، ممكن تبقى غيرة أو قلة المقابلة، ولكن في نماذج ناجحة زي منى زكي واحمد حلمي”.
نرشح لك: شيرين رضا: فيفي عبده شخصية تجنن وأنا شربات
تابعت: “نمسك الخشب على علاقة منى زكى وأحمد حلمي، وفي أجيال تانية بتنفع فيها العلاقة ولكن المعظم مش بينفع”، لافتة إلى أنها تدعم ابنتها نور في مشوار زواجها لأنها سعيدة بالزواج.
استكملت: “نور بنتي لما جت تقبل على فكرة الزواج كنت عايزاها تبقى سعيدة، وهي شايفة السعادة أنها تتجوز وأكيد هقف جنبها وقلت لها عشان تعيشي مع حد لازم تبقوا أصحاب”، مؤكدة أن العلاقة تفشل بين الرجل والمرأة حينما ينسوا أنهم أصدقاء وأهم شيء في العلاقة تكون الصداقة.
أكدت الفنانة شيرين رضا، أن معظم أصدقائها من الرجال منذ مرحلة الطفولة في المدرسة وما زالوا موجودين حولها، قائلة: “أنا قلت معظم أصدقائي رجالة وهم أصدقائي من أيام المدرسة من سن الطفولة وموجودين لسه حواليا والبنات منهم اللي سافرت واللي عاشت بعيد”.
أردفت: “الستات في بينهم نفسنه ودي حاجة مش بحبها، وإحنا كستات بقالنا سنين طويل بنحاول نأخذ حقوقنا في هذا الجو”.
وتابعت: “بنحاول من سنين نأخذ وضعنا فى المجتمع ولا يمكن ننجز أي حاجة وإحنا بنحارب بعض، ولو عايزين نعمل كده منتكلمش على المساواة مع الرجل وحقيقي مقولة الست أقوى عدوى للست، ونفسي المنطق ده يتغير وعندي أمل الاجيال الصغيرة يغير اللي بنشوفه حاليا”.
