شيرين رضا: "مفيش حد أتجوزه.. ومبقتش بتعاكس!"
أكدت الفنانة شيرين رضا، أنها هي والفنان أحمد الفيشاوي أصدقاء وأن تصريحاته السابقة بأنه طلب الزواج منها كانت على سبيل المداعبة، لافتة إلى أنها فشلت مرتين في الزواج ولا تريد تكرار هذا الفشل مرة أخرى.
أضافت “رضا”، خلال حوارها ببرنامج “حبر سري”، مع الإعلامية أسما إبراهيم، على قناة “القاهرة والناس”، أنها فشلت في الزواج مرتين، وتعلمت منذ صغرها عندما تفشل في شيء لا تكرره مرة أخرى.
نرشح لك: شيرين رضا: “جوازات الوسط الفني فاشلة”
أضافت: “أنا وأحمد الفيشاوي أصدقاء وهو بيحب يهزر، وهو كان بيهزر، ولكن أنا مش هتجوز، لا هو ولا غيره، ومعنديش وقت للجواز، وبصراحة مفيش حد اتجوزه، أنا حتى مش بتعاكس واللي عايز يتجوزني لازم يحارب ولا هو أنا هقدم نفسي على طبق من فضة”.
وعلقت الفنانة شيرين رضا، على الهجوم على الإعلامي إبراهيم عيسى بسبب فيلم” الملحد” قائلة: “الهجوم على إبراهيم عيسى مفتعل وفيلم الملحد لا يتكلم عن الإلحاد بالعكس والناس المفروض تستنى الفيلم بيتكلم عن إيه، وأنا معرفش مصطفى درويش والهجوم كان ركوب ترند”.
في سياق آخر أكدت “رضا”، أنها ضد ثقافة المنع الفني على المهرجانات، قائلة: “أنا ضد المنع حتى المهرجانات، وبحب المهرجانات جدا، ومضايقة أنهم اتمنعوا وهما غلطوا في حاجات، ولكن مش كل واحد يعمل غلطة يأخذ إعدام”.
أوضحت أن المهرجانات فن ابتكره المصريون مثل ما حدث مع الراب في أمريكا، مضيفة: “المهرجانات فن إحنا المصريين اللي اخترعوه وإزاي نمنعه، وده زي الراب اللي موجود في أمريكا، وبسمع المهرجانات جدا”.
تابعت: “مفيش حاجة دخيلة علينا في المجتمع المصري، وبنقول أي كلام الأيام دي، وكان في السينما من زمان المايوهات والقبلات والأحضان وإحنا بنتقدم ولا بنتأخر، وبعدين السينما المفروض تبقى لكل الناس مش الأشخاص”.