"نرفزة".. طارق الشيخ يكشف سبب أزمته الصحية الأخيرة

شدوى ممدوح
طارق الشيخ
كشف الفنان طارق الشيخ، عن أن أزمته الصحية الأخيرة، كانت بسبب عصبية زائدة.

أضاف “الشيخ” خلال حلوله ضيفا على برنامج “سابع سما“، مساء الثلاثاء، المذاع عبر شاشة “النهار” مع راغدة شلهوب: “هي كانت نرفزه بس، يعني ضغط على الواحد، عارفة لما تقولي للي حوالين منك كلهم حاضر وتعملي بكلمتك، وفي المقابل اللي معاكي لما يقولوا حاضر وما يعملوش، عشان كده قعدت مخزن لحد ما انفجرت”.

نرشح لك: شيرين رضا: “جوازات الوسط الفني فاشلة”

أشار إلى أن أزمته حدثت نتيجة أنه يلجأ إلى الكتمان في كثير من الأحيان، مما سبب له ضغطا. مردفا: “العيال راحت المدارس، ومكنش في غيري أنا ووالدتهم، مع نفسي بدأت أكسر في الشقة حاجة حاجة”.

أوضح أنه بمجرد خروجه من المنزل سقط على الأرض، ونتيجة لذلك أخذ 5 غرز طبية في الرأس، مع وجود صعوبة في التنفس. مضيفا: “قعدت بتاع يومين في الرعاية والدكتور قال لي أبعد عن القهوة والتدخين”.

بكى طارق الشيخ، قائلا: “ربنا ساترني في الفن والناس واقفة معايا، لكن أكتر حد قريب منك هما أولادك ومراتك مش مقدرين ده”. ولفت إلى أن لديه 3 أولاد كبار وهم مازن وشهاب وعادل، وابنتين وهما رحمة ومريم.

أضاف: “أنا بقالي شهرين مش بمسك الموبايل، ومعايا المساعد بتاعي والراجل اللي بيسوق العربية.. واللي معايا كل يوم هم 5 أو 6 عارفين هيجبوني إزاي، الموضوع كله بسيط”.

أعرب الفنان طارق الشيخ عن ندمه بسبب أزمته الصحية الأخيرة، متابعا: “ندمان لأني كنت ممكن أروح فيها وهي مش مستاهلة”.

طارق الشيخ