غادة عبد الرازق: أنا زوجة مطيعة في البيت

تحدثت الفنانة غادة عبد الرازق عن علاقتها بزوجها الحالي هيثم زنيتا، موضحة أن حياتها تغيرت معه، وأنه غيّر فيها الكثير من الصفات السلبية.

أوضحت غادة خلال حوارها مع الإعلامية ياسمين عز في برنامج “كلام الناس“، عبر قناة mbc مصر، أنها زوجها مطيعة في المنزل شأن أي زوجة عادية، قائلة: “زوجي الحالي عدّل مني كتير جدا، وخلاني شفت جوانب كتير كانت نقصاني هو كملهالي.. أنا مطيعة في البيت زي أي زوجة، خاصة إن أصلا كنت متزوجاه زمان وانفصلنا وفضلنا أصحاب واتجوزنا تاني، فأنا عارفاه وعارفه طباعه”.

نرشح لك: هند صبري: أشبع الجانب الروحي بالتعبد والتأمل

تابعت: “أكتر حاجة غيرها فيا هي العصيية الزايدة وإني لازم أخلي بالي بتكلم قدام مين لأن ساعات مبركزش في الكلام فممكن اللي قدامي ياخدها بشكل غلط.. برضو عرّفني أنا مين، وعلمني لما اتكلم مع الناس ما اديهمش معاملة زيادة عن اللزوم، لأن الزيادة دي بتخليهم يفتكروا إن ده حق مكتسب”.

على صعيد آخر، تحدثت غادة عن تعرضها للحسد باستمرار، لدرجة أنها تركت منزلها بسببه، قائلة: “العين صايباني بجد.. ومبتكلمش عن علاقتي بربنا عشان ممكن يدوني فيها عين.. مكنتش بصدق في الحاجات دي لحد ما جه وقت ابتديت أحس إن في حاجة مش صح، حتى في أسلوبي أنا، أصحى من النوم ألاقيني مخنوقة وأتخانق، قعدت أسمع إنه عين وحد عاملك عمل وو.. ابتديت أصدق شوية وبعدين قلت لا بلاش الهبل ده.. وقالوا غيري المكان اللي عايشة فيه، فعزلت وسبت البيت”.