غادة عبد الرازق: في نجوم كتير "بينفسنوا" مني

كشفت الفنانة غادة عبد الرازق عدم وجود صداقات لها في الوسط الفني، وأن كثير من النجوم والنجمات “بينفسنوا منها” لأنها أفضل منهم، على حد تعبيرها.

أوضحت غادة خلال حوارها مع الإعلامية ياسمين عز في برنامج “كلام الناس”، عبر قناة mbc مصر، أن البعض يعبر عن حقده تجاها في شكل مداعبة و”هزار”، لكنها سرعان ما تدرك الأمر، قائلة: “في نجوم كتير بينفسنوا مني، رجالة وستات، في منهم كتير بيقولوها في وشي كأنها هزار، وعموما اللي بيستفز الحتة اللي فيها نجومية جواهم إن أنا أحسن منهم.. لكن أنا عمري ما نفسنت من حد، ولو عملت ده كان هيبان عليا”.

نرشح لك: غادة عبد الرازق: أنا زوجة مطيعة في البيت

وعن خداعها في كثير من أصدقائها تقول: “مبقاش يفرق معايا دلوقت مين يزعل ومين ميزعلش، لأن عملت حاجات كتير جدا عشان محدش يزعلهم، بس للأسف لما أنا زعلت محدش وقف معايا ولا زعل عشاني.. وبالتالي قلت المعاملة بالمثل.. بس أنا ارتحت لأن كنت شاغلة دماغي بيهم وبمشاكلهم. وأصلا عمري في حياتي ما قربت من حد في الوسط الفني.. لو قربت بقرب إنسانيا بس”.

على صعيد آخر، تحدثت غادة عبد الرازق عن فترة الاكتئاب التي مرت بها، والتي لجأت بسببها لطبيب نفسي، ولا تزال تتواصل معه حتى الآن، فضلا عن استمرار الأدوية النفسية، مضيفة: “مريت باكتئاب وروحت لدكتور نفسي.. مكنش من ضغط الشغل بس، بيبقى بسبب حاجات كتير مريتي بيها من صغرك لحد ما توصلي لمكانة معينة، طول الوقت بتكلم مع دكتوري النفسي.. وباخد أدوية ومبتكسفش إني أقول ده، حاولت مرة أوقف الأدوية بس بعدها بأسبوع كنت بجري في البيت بقطع في شعري”.