عمرو يوسف عن حقيقة ضربه لعامل بالجونة: "مصور على تليفونه بلاوي"
كشف الفنان عمرو يوسف، تفاصيل الشائعات التي انتشرت مؤخرا، حول اعتدائه على عامل في مدينة الجونة، خلال مهرجان الجونة السينمائي.
تابع “عمرو”، خلال لقائه مع برنامج “حبر سري”، مع الإعلامية أسما إبراهيم، المذاع على قناة “القاهرة والناس”: “تعرضت لظلم شديد وأغلبية الوقت مش برد، دي أول مرة أتكلم عن الموضوع ده.. اللي حصل إن نزل خبر إني اعتديت على عامل عشان طلب يتصور معايا، ومش متخيل إزاي حد يصدق حاجة زي كده إني اضرب شخص نفسه يتصور معايا وده عبث”.
نرشح لك: عمرو يوسف: “نفسي أشارك في مسلسل الاختيار”
أضاف: “الحقيقة كنا معزومين على العشا في ثالث ليلة من أيام المهرجان، وكنا 20 واحد على التربيزة والولد ده كان حاطط كاميرا التليفون على صدره وبيصور بخبث، وكشفته وقلت له بتعمل إيه خاف وساب الفون وجري وطلعت بره لقيت الولد واقف، وقلت له افتح الفون خاف وطلع يجري”.
أردف: “واحد من زمايله جه وفتحلي التليفون لقيته مصور لايف 3 دقائق، ودخلت بصيت على فونه لقيت بلاوي على التليفون، وخليت التليفون معايا وثاني يوم خاله اتصل على الفون وردت عليه وبيقولي أنا عرفت القصة وأنا بعتذر لك وأمه كلمتني واعتذرت لي وقالت لى ابني نفسه يمثل وهو كل يوم بيعمل لنا مشكلة”.
استكمل: “أمه كانت خايفة أبلغ عنه والتليفون كان فيه حاجات تحبسه وتوديه في ستين داهية.. كان كارثة، وقلت لهم أنا همسح التليفون بالكامل وهرجع لكم التليفون والولد غلطان 100%، وطلع بعدها إشاعة إني أنا اللي ضربته وده محصلش خالص”.
في سياق منفصل، قال الفنان عمرو يوسف، إنه انتهى من تصوير مسلسله الجديد “وعد الشيطان”، المقرر عرضه خلال الفترة المقبلة عبر منصة “شاهد” الرقمية.
أشار “يوسف” خلال لقاء مع “ET بالعربي“، إلى أن العمل من إخراج مخرج أجنبي يُدعى كولين تيغ، لافتا إلى أن العمل على المسلسل تطلب جهدا كبيرا على مستوى الجرافيك والتمثيل.
وأوضح إلى أن المسلسل ليس مسلسل رعب، بل يطرح قضية إلى أي مدى يمكنك أن تذهب بوعدك مع من تحبهم. لافتا إلى أن هناك فيلم يجمعه بالفنان محمد ممدوح قريبا.