صابرين حول تغاضيها عن تعليقات رامز جلال: يعتبر من العيلة
ردت الفنانة صابرين، على الانتقادات الموجهة لها حول قبولها تعليقات الفنان رامز جلال عليها، خلال حلولها ضيفة في برامجه، بسبب تقاضيها أجر كبير.
قالت “صابرين” خلال لقائها مع برنامج “العرافة” مع الإعلامية بسمة وهبة، عبر شاشة “المحور”: “هو إحنا بنسمع تعليقاته؟ أنا قعدت فترة وقولتله ماتذيعش، أنا طلعت مع رامز في (رامز قلب الأسد) ورامز عامة متربي معانا ويعتبر من الأسرة، وكل سنة كان بيبعتلي كنت بفقسها بس المرة دي بقى اتاخدت على خوانة”.
نرشح لك: شاهد.. مقلب رامز جلال في محمد أنور
أضافت: “وبعدين طب ما البرنامج ده مقلب، مانا جاية ومش عارفة الأسئلة هتبقى إيه.. ده أكبر مقلب، لكن رامز مضى في الآخر وقال أم كلثوم التمثيل.. يبقى خلاص شكرا وأنا قابلة ده”.
أردفت موجهة كلامها لبسمة وهبة: “يعني هو حلو ليكي ووحش لرامز؟”.
كانت الفنانة صابرين، حلت ضيفة على الحلقة الأولى من برنامج “رامز موفي ستار”، للفنان رامز جلال بمشاركة الفنان العالمي فاندام، والذي يعرض يوميا خلال شهر رمضان عببر شاشة “mbc مصر”.
وحاولت صابرين ضرب رامز جلال بعد كشف هويته، وطلبت منه عدم السخرية منها في بداية الحلقة، قائلة: “طب أحلف أنك مش هتقول عني حاجة في الأول”.