سعد الصغير يكشف سر خلافه مع عمر كمال

شدوى ممدوح

قال المطرب الشعبي سعد الصغير، إن أزمته مع مطرب المهرجانات عمر كمال، مجرد نقاش بسيط بينهما، وأنه كان بمثابة الأخ الأكبر لعمر كمال، ولكن عمر كمال لم يقدر ذلك.

تابع “الصغير”، خلال حلوله ضيفا على برنامج “سابع سما” مع الإعلامية راغدة شلهوب، على قناة “النهار”: “أنا يعتبر أخو عمر الكبير ووقفت جمبه كتير بالذات فى بداياته، ولما كنت بروح دبي هو كان شغال في محل هناك كنت بوصي الناس عليه تاخد بالها منه”.

نرشح لك: سعد الصغير: ربنا مش راضي عني

أضاف أنه من وقف بجانب عمر كمال في قضيته، موضحًا: “في مرة كان عنده قضية أيام الثورة، وجه قالي إن اللي ماسك القضية يعرفني وهو من الإسماعيلية، فقولتله هاجي معاك وملكش دعوة”.

وفي نفس السياق فوجئ سعد الصغير، بأن عمر كمال يقلل منه، ويصف نفسه بأنه تاريخ، لافتا: “فوجئت بعمر كمال بيقول على نفسه أنه تاريخ، وأن مين سعد الصغير ده”.

في سياق آخر قال الفنان سعد الصغير، إنه يدعو الله دائمًا بأن يعينه على قرار اعتزال الفن، خاصة بعد تقديمه برنامج “مولعها نار” على قناة “الشمس” واصفًا إياه بأنه برنامج “خير”.

أضاف “الصغير” في تصريح لبرنامج “et بالعربي”: “والله العظيم تلاتة بدعي ربنا.. أول ما تلاقيني بطلت أعرف إن ربنا رضى عليا”.

أضاف: “مش عايز أعمل حاجة خالص غير البرنامج ده، وبحب بفقرة الخير بالذات أكتر من أي حاجة، لأن انت بتعمل الخير فيه، مش برنامج فضايح، كفاية إني خليت أبو بوسي يعتذرلها.