أحمد صلاح حسني: وفاة والدتي أكثر شيء آلمني في حياتي
شدوى ممدوح أحمد صلاح حسني
كشف الفنان أحمد صلاح حسني، عن اشتياقه الشديد لوالدته، مؤكدا أن رحيلها هو أكثر شئ آلمه في حياته.
قال “حسني”، خلال حلوله ضيف على برنامج “حبر سري” مع الإعلامية أسما إبراهيم، على قناة “القاهرة والناس”: “أمي أكتر حد وجعني لما ماتت وأنا حقيقي بتكلم معها كل يوم وعلاقتي بها كانت قويه ولا تزال كده”.
نرشح لك: أحمد صلاح حسني: أمير كراره لم يساعدني لدخول الفن
أضاف: “أنا بعتقد أن لما حد بيموت مش بيمشي يعني بيبقى موجود معنا، وكل الخير اللي أنا فيه دلوقتي بسبب أمي”.
تابع “حسني” أنه كل عام عندما يقترب شهر رمضان يتذكر والدته لأنها كانت تحب هذا الشهر الكريم، مشيرا: “هي كانت بتحب رمضان جدا جدا فأول ما رمضان بيقرب بحس بِها أوي وبفتكر تفاصيل كتير ساعات بتتعبني”.
أكمل: “لكن دي سنة الحياة، فقدان الأم وجع مش بيروح وهو وجع لازم تتعود عليه واحنا بنحاول”.
وبكلماتٍ مؤثرة عبر “حسني”، عن اشتياقه الشديد لوالدته قائلا: “كل يوم بقول ولا يوم من أيامك يا أمي ولا لقمة زي لقمتك يا أمي ولا كلمة زي كلمتك ولا ضحكة زي ضحتك مفيش حد يتقارن بأمي، أنا كنت عايش مع ملاك مش بني آدم”.