سوسن بدر: "اللي شايف الفن حرامه يسيبه"
وجهت الفنانة سوسن بدر، رسالة لكل فنان يرى شبهة حرام في العمل الفني، قائلة: “اللي يقول إن الفن فيه شبهة حرام واللي حاسس أنه كده، يتبع إحساسه ويسيب الفن”.
أضافت خلال حلولها ضيفة على برنامج “حبر سري”، مع أسما إبراهيم عبر شاشة “القاهرة والناس”: “واللي شايف نفسه مش مرتاح امشي ومش بس الفن، لأي مهنة فيها شبهة وأنا عايزة أعمم الحكاية واللي مش مرتاح في شغلته يسيبها”.
نرشح لك: سوسن بدر عن مشاركتها في “بابلو”: “ببقى سعيدة جدا مع حسن الرداد”
وعن موقفها من الأدوار الجريئة، ذكرت: “مش بيتعرض عليا حاليا أدوار جريئة لأني بعمل دور ماما وتيته ودي أدوار مفيش فيها جراءة، وحتى وأنا صغيرة حينما كنت لا أمتلك القدرة على الرفض كان ليا موقف”.
تابعت: “لما كان بيجيلي أدوار فيها مشاهد جراءة أو إغراء وأنا صغيرة كنت بشوفها في سياق الدراما مهمة ولا لا وكانت تخضع للتقييم، وفي حالة أن المشهد غير مهم دراميا ولا يؤثر على العمل كنت أرفض، ورفضت أدوار جريئة لا تدخل في سياق الدراما”.
في سياق آخر، أكدت الفنانة سوسن بدر، عدم صحة شائعات ارتباطها بصورة انتشرت على مواقع التواصل الاجتماعي، وروت تفاصيل الصورة، قائلة: “كنت في مرة بحضر تكريم في الجامعة البريطانية من كذا سنة ومصمم الملابس بتاعي عمل لي فستان شبه سندريلا وانتشرت صورة التكريم بعدها”.
أضافت أنها فوجئت بصورتها وهي ترتدي الفستان منذ حوالي شهر وعليها خبر إعلان خطوبتها والحقيقة أن الصورة كانت من حفل تكريمها منذ حوالي أربع أو خمس سنوات.
أشارت سوسن بدر، إلى أنها تربطها علاقة صداقة جيدة مع الفنان عمرو سعد، متابعة: “عمرو سعد ممثل كبير وهو بيبقى مشدود قوي في الشغل ولكن إحنا أصحاب بره الشغل إنما أفضل نفضل أصحاب وساعات الشد في الشغل بيبقى مش كويس”.
