شيماء سيف: لا أقبل الصلح مع انتصار

شدوى ممدوح
شيماء سيف وانتصار
تحدثت الفنانة شيماء سيف عن أزمة برنامج “نفسنة” مع الفنانة انتصار، مؤكدة أنها لن تتصالح معها، بعدما فعلته ضدها من إساءات.

قالت ”سيف” خلال حلولها ضيفة على برنامج ”مراحل” مع الإعلامي علي العلياني، عبر شاشة ”sbc”، أنها سمعت مذيعات البرنامج يتحدثن عنها بشكل شيء، قائلة: “سمعتهم بيقولوا وقتها وبعدين هنعمل فيها ايه دي.. وواحدة تانيه قالت عليا إني بدأت أتحكم فيهم وأغير مواضيع الحلقة، وعشان تطيرني قالت عليا إن أنا بتأخر ومقصرة في شغلي”.

نرشح لك: رد شيماء سيف على ريهام سعيد بشأن مرضى السمنة

أوضحت أن أكثر ما آلمها هو الحديث حول أنهم يستطيعون جلب بديلة لها، قائلة: “حد قال إن إحنا نقدر نمشيها ونجيب أي واحدة تانية غيرها، وهي كده كده مش فارقه أصلا”.

أما عن ردة فعلها وقت سماعها لهذا الكلام، قالت شيماء سيف: ”كان المفروض أخد بعضي وأمشي بس أنا مقدرتش، فروحت فاتحة عليهم باب الأوضة وقولتلهم أنتوا مش محتاجين تعملوا كل ده أنا كده كده ماشيه وسيبالكوا البرنامج من غير ما تخترعوا عليا قصص”.

تابعت: ”رجعت على أوضتي تاني وحسيت إني منهارة وماكنتش عارفه أكلم مين، وقتها سمعت واحدة فيهم بتقول اكيد سمعت فردت عليها التانيه إنه أكيد لا، روحت واخده شنطتي وفتحت عليهم الباب وقولتلهم لا سمعت”.

وبالنسبة لأزمة خلافها مع الفنانة انتصار، قالت: ”إحنا مش متخانقين وبنسلم على بعض وبنتكلم عادي لما بنتقابل، لكن أنا ماقبلش الصلح معها عامة.. ومستحيل اشتغل معاها تاني”

sbc أزمة برنامج نفسنة انتصار شيماء سيف شيماء سيف وانتصار مراحل نفسنة