جمال العدل: مش هشتغل مع مصطفى درويش تاني
نفى المنتج جمال العدل، ما صرح به الفنان مصطفى درويش، بأنه وقع معه عقدا مدته 3 سنوات معه، موضحا أنه غضب من مصطفى درويش بعدما انسحب من فيلم الملحد، واصفا فعله بأنه تزيد لا يمكن قبوله، ولا معنى له.
أضاف “العدل”، في حواره مع الإعلامية بسمة وهبة ببرنامج “العرافة“، المذاع على قناة “المحور”: “عمري في حياتي ما مضيت مع حد، أنا بتفق، جمال سليمان عمل معايا 3 مسلسلات، وكنا متفقين شفويا، ومش هشتغل مع مصطفى درويش، تاني إلا لو قدرت أصفح له”.
نرشح لك: حسن شاكوش: لم أتاجر بمرض والدتي بالسرطان
تابع: “موقف دمه ثقيل، في وقت كل الناس بتهاجم إبراهيم عيسى، حتى لو إبراهيم عيسى غلطان مينفعش تركب عليه في القصة دي، واللي حصل من مصطفى درويش مش لطيف”.
وتطرق العدل، الحديث عن مسلسل “بـ100 وش”، وعن وضع اسم الفنان مصطفى درويش ثالث اسم بعد نيللي كريم وآسر ياسين، موضحًا: “بعد نيللي وآسر ياسين كل العصابة زي بعض، مصطفى أشتغل معايا 10 أعمال، وكلهم عندي زي بعض، والحمد لله إنهم نجحوا وبقوا موجودين في أكتر من مسلسل”.
أكد أنه غضب من مصطفى درويش بعدما انسحب من فيلم الملحد، واصفا إياه بأنه تزيد لا معنى له: “حسيت إنه راجل مش لطيف وبايخ لأنه ميصحش يعمل كده على الملأ، حتى لو عنده رأي عيب يعلنه كده، خاصة إن مخرج العمل من أهم الناس اللي طلعوه، اللي عمله مزايدة وحاجة تخص التريند والسوشيال ميديا وهو موقف سخيف وملوش لازمة”.