عمرو زكي: المرأة كانت عنصر خسارة كبيرة في حياتي
محمد هيثم
قال عمرو زكي، لاعب نادي الزمالك ومنتخب مصر السابق، إنه تزوج مرتين عندما كان عمره 18 عاما، مشيرا إلى أن والده طلق زوجته الأولى غيابا بدون علمه.
تابع “زكي” خلال لقائه في برنامج “سابع سما” المذاع على قناة “النهار” وتقدمه الإعلامية راغدة شلهوب مساء اليوم: “والدي طلق زوجتي الأولى غيابي وأنا فوجئت باللي حصل وبعد كده زوجوني واحدة تانية جارتنا، وكان اعتراضهم أن اللي بتلبس بنطلون وبتحط ميكب دي مش كويسة”.
نرشح لك: عمرو زكي ينفي ارتباطه بـ منة فضالي: ارتبطت بصاحبتها
أضاف: “أنا في حياتي مشوفتهاش 3 أو 4 مرات، هي ست زي الفل وكل حاجة، اتفقت معاها نقعد في القاهرة بس هي مقدرتش وكانت عايزة مامتها تبقى موجودة.. بعد كده متفقناش وسبنا بعض.. قولت لهم مش هتجوز تاني وخلاص كده”.
أوضح: “المرأة بمنتهى الأمانة كانت عنصر خسارة في حياتي، وخسارة كبيرة جدا، لعيب الكورة بيبقى في بداية حياته أول فلوس ياخدها بيضيعهم فتبقى صدمة، وممكن تختلف مع أهلك أنتوا السبب.. محدش بيشيل نفسه الغلط.. الأب والأم بيبقوا خايفين على ابنهم عايزينه في صورة كويسة في حتة الحلال”.
أردف: “لو علاقتك النسائية مش كويس مش هيبقى في علاقات.. أنا اللي في قلبي على لساني، ومعنديش سر لو شايف نفسي مش كويس مش هاجي أقعد في برنامج زي ده، هقعد في البرامج اللي بتمجد في عمرو زكي”.