حمو بيكا: تعبت من التنمر
سالي فراج
حمو بيكا
وجه مطرب المهرجانات حمو بيكا، رسالة لمن يتنمروا عليه بأن يكفوا عن ذلك، لافتا إلى أنه يعاني من مرض، وينفق على علاجه الكثير.
كتب “بيكا” على صفحته الرسمية على موقع التواصل الاجتماعي “فيس بوك”: “يا جماعة ياريت نفهم إن أنا موجوع وتعبان، كفاية تنمر عليا، اتنمر عليا مرة واتنين وتلاتة ولسة فيه ناس بتتنمر عليا، بتتنمروا عليا لحساب مين؟ أنا بني آدم زي زيكم”.
نرشح لك: نجوى فؤاد: لو معايا فلوس هنتج لحمو بيكا
أشار إلى أن الفنان هاني شاكر، نقيب المهن الموسيقية تنمر عليه في أحد الندوات: “الأستاذ هاني حضرتك كنت في ندوة واتنمرت عليا وأنت أخويا الكبير وأنا مسامح والله بس كفاية بالله عليك”.
أكد على أنه لا يعرف القراءة والكتابة ولكنه لديه قلب يشعر به: “أنا آه مش بعرف أقرأ، وأكتب بس ربنا خلقلي قلب أحس بيه، كفاية تجرحوني، مش كل واحد يبقى عنده سلطة يتحكم في البشر، أنا 5 سنين بعاني وبعافر بس هما شايفين أن إحنا مبسوطين وفرحانين، لا أنتوا اللي مبسوطين وأنتوا اللي معاكم، ومعاكم كتير، وعندكم كتير، بس عمرنا ما بصينالكم، هو ليه لما يكون معايا حاجة حد يبصلي فيها و عايز يأخدها”.
أكمل: “دة غير مرضي اللي بدفعله في الشهر كتير أوي حسوا بيا، لو غلطت في حاجه تعالى وحاسبني وعلمني الصح من الغلط، أنا فاتح بيت وعندي أسرة وعندي مسئوليات كتير محدش يعلم بيها إلا ربنا، أرجوكم كفاية”.
إختتم: “ياريت تحكموا بينا بالعدل زي ما ربنا سبحانه وتعالى بيقول، (وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ)، وكفاية تنمر عليا وافتكروا كلام ربنا، (يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ)”.
كان قد تحدث “بيكا” عن مرضه في آخر ظهور إعلامي له وقال: “بيحصل لي مشاكل في معدتي كبيرة وبأخذ أبرة اللي هي بتعلم تهدئة لجهازي المناعي.. وخدت الإبرة دي أول مرة بـ120 الف، وكل شهرين المفروض بأخذ إبره تمنها 20 الف”.
تابع: “لما جت كورونا خفت أخذ الحقنة عشان مش هيبقى في مناعة في جسمي.. فأي حاجة ممكن ألقطها”.
أردف: “والمرض ده جالي بعد الشهرة وممنوع أكل حاجات كتير وعايش على المكرونة وشوربة الخضار ولسان العصفور والميه نفسها مش بشربها.. والناس اللي بتتريق عليا كتير ومحدش فاهم حاجة وبيقولوا بطنك كبيرة ليه.. وبطني ده أصلا مرض.. وأنا موقف الإبرة لأني كنت باخدها وأنا شغال كان معايا تمنها ودلوقتي مش معايا أخد الإبرة.. وأنا بخاف أخدها يجرالي حاجة”.
