زيزي عادل تعلن اعتزالها الغناء
أعلنت المطربة زيزي عادل، اعتزالها الغناء نهائيا، ووصفت اعتزالها بأنه “أحلى خبر”.
قالت “زيزي” خلال فيديو نشرته عبر حسابها على “إنستجرام“: “أنا عاوزة أقلكم خبر مهم جدا أخدته في حياتي، ويمكن ده أهم وأحلى خبر في حياتي.. وهو قرار اعتزالي، وإني أسيب مهنتي”.
نرشح لك: حنان مطاوع: أكبر أجر أخذته أقل من مليون ونصف المليون جنيه
أضافت: “القرار ده مخدتوش إمبارح، ده خدته من فترة كبيرة جدا.. ويمكن مقلتهوش ليكم، بس أنا ببعد عن المجال ده عشان أقرب من حاجة أهم بكتير، وفي الفترة اللي فاتت أنا قربت من ربنا جدا ولقيت إن القرآن اللي ربنا منزلهولنا بيقول إني لازم أكون ملتزمة”.
أردفت: “ولو هتستغربوا أنا ليه طالعة بشعري، يمكن عشان أنا ربنا لسة ما أنعمش عليا بنعمة الحجاب، بس أنا بتمنى وبدعي إني ألبس الحجاب.. بس كل حاجة بتيجي خطوة خطوة”.
استطردت: “أنا سبت حاجة أنا بعيش منها، بس عارفة إن ربنا هيرزقني لأنه مبينساش حد، وأنا راضية جدا عن قراري ومعنديش أي مشكلة في الموضوع ده خالص”.
View this post on Instagram