محمد سلام: رحمة أحمد عندها قبول وموهبة محمد سلام E3lam.Com
محمد هيثم
محمد سلام ورحمة أحمد
قال الفنان محمد سلام، إن الجمهور كان مفتقدا لمسلسل “الكبير أوي” من بعد الجزء الخامس، وهذا ما شجعهم لعمل جزء سادس، مشيرا إلى أنهم قدموا شيئا لا يقدم كثيرا.
أضاف “سلام” خلال حواره مع “ET بالعربي“، أن العودة مرة أخرى بعد 7 سنوات كان شيئا مخيفا، لأن الكوميديا تتغير، موضحًا: “الإيفيهات بتتغير الحاجات اللي بتضحك الناس بتتغير من فترة للتانية، وإحنا مرتبطين بتيمة معينة، مرتبطين بدراما وشخصيات الكبير، إحنا نرجع نضحك بيها تاني في 2022 دي صعبة”.
نرشح لك: سارة هجرس: نجاح الكبير أوي 6 فاق توقعاتي.. ومربوحة ليست بديلا لهدية
أما عن الفنانة رحمة أحمد، قال “سلام”: “رحمة ما شاء الله عليها كوميديانة شاطرة جدا، هايلة جدا، كان عليها ضغط أن هي بتعمل دور مهم لأول مرة، ومهم، ومعملتش مسلسلات قبل كده، في مسلسل ناجح بالفعل، وموجودة بديلة لدنيا سمير غانم، ربنا يكون في عونها، بس ما شاء الله موهبتها، والناس حبتها جدا”.
واصل: “أول يوم تصوير لرحمة كنت خايف، لأن هي كانت خايفة أول يوم بس، بعد كده ما شاء الله عليها موهبة فعلا، وعندها قبول ومبدعة، بتحط لمسات بتاعتها في المشهد”.
أردف: “مشهد الكتاب اللي كنت بكتب فيه يوم فرح الكبير، معظم اللي اتقال كان مكتوب، وأنا ضيفت حاجات فيه، وأنا مش فاكر الكلام كله، فأنا بقول وبزود من عندي وأستاذ جندي سايب لي الكاميرا”.
أوضح:” مكي فيه ميزة مش موجودة كتير بيحب اللي قدامه والناس اللي حواليه يبقوا حلوين ومنورين، مكي مخرج وبيكتب ومزيكا، فنان شامل، فهو فاهم أن مش البطل بس في العمل هو اللي بيضحك، عارف أن الناس اللي حواليه بتضحك بيرجع للعمل كله”.