فيفي عبده: "الرقص هو الأكسجين اللي بتنفسه"
قالت الفنانة فيفي عبده، إنها لا ترغب في اعتزال الرقص بسبب خوفها من الموت، إذ أنها تراه الأكسجين الذي تتنفسه.
أضافت “عبده” خلال حلولها ضيفة على برنامج “العرافة“، المذاع عبر شاشة “المحور” مع بسمة وهبة: “اعتزل الرقص ليه، اعتزل الحياة! دا الأكسجين اللي أنا بتنفس منه وبحبه.. دي حاجة بحبها هخاف من الناس ولا من ربي؟! ليه الأكسجين اللي بتنفسه عايزين تحرموني منه ولا أحرم نفسي منه.. التجارة مع الله متخسرش أبدا والصح والغلط أنا عارفاه كويس جدا”.
نرشح لك: بعد تصريحاتها بتجاهل الوسط الفني لها.. فيفي عبده ترد على نجوى فؤاد
وعن ارتدائها ملابس محتشمة بعض الشيء في فيديوهات الرقص التي تنشرها، قالت: “الفن مش بالعري.. ما اللي على البحر عريانين.. والعري مفهوش فن، اللي فيه فن أنك تقدمي تابلوه حلو ولحظة جميلة.. والفيديوهات بتاعة الرقص اللي بصورها دي ببقى لوحدي بروح البحر الصبح بدري جدا”.
كما تمنت أن يمنحها الله مزيدا من العمر، قائلة: “أنا نفسي أعيش.. أنا بطلب من ربنا طلب واحد بس، بقوله يا رب أديني شوية عمر مع الصحة، مش عايزة حاجة تانية خالص.. عايزة أعيش حياتي اللي معشتهاش اللي كل الناس عاشيتها وأنا معشتهاش.. عايزة أعيش السن اللي معيشتوش.. العمر أتسرق”.
