رأي دينا الشربيني في تقديم الأدوار الجريئة
قالت الفنانة دينا الشربيني، إنها ترى إن مصطلح “الأدوار الجريئة” يختلف تفسيره من شخص للآخر.
تابعت “الشربيني” خلال حلولها ضيفة على برنامج “حبر سري“، المذاع عبر شاشة “القاهرة والناس” مع أسما إبراهيم: “مبحبش أضايق حد بس في حاجة نفسي الناس تفهمها والله، الممثل ده بيمثل شخصية حد تاني مش هو.. وبنمثل حاجات موجودة فعلا في الحياة، بس الناس دايما بتربط إن اللي بتمثليه هو انتي.. هو أنا لو طالعة بسرق أبقى أنا حرامية؟”.
نرشح لك: دينا الشربيني تتصدر الترند بعد تصريحاتها في “حبر سري”
أضافت: “أنا أهم حاجة بالنسبالي إن لو حد بيتفرج وقاعد مع عيلته مثلا.. وإني مش هخدش حياء حد يبقى هعمل الدور”.
وعن رأيها في فيلم “أصحاب ولا أعز”، أوضحت: “الفيلم عجبني جدا، والنقد بقبله لما يكون من ناقد دارس وفاهم ودي مهنته.. وقتها على عيني وراسي لأني هتعلم منه، بس فكرة إن الناس تقعد تجرح في حد كده، لأ مش من حقكم، وده في العموم مش الفيلم بس”.
يلتقي محمد رمضان في الموسم الرمضاني الحالي لأول مرة بدينا الشربيني في “المشوار” حيث يجسد شخصية سائق تاكسي، وهي زوجته، ويتم مطاردتهما من الشرطة.
المسلسل من بطولة، محمد رمضان، ودينا الشربيني، وإياد نصار، وصبري فواز، وأحمد كمال، وصبري عبد المنعم، وآخرين، وإخراج محمد ياسين، وتأليف محمد فريد، وإنتاج Media Hub.